الماتى وبلىسىندا ورىن العان جاپپاي تارتىپسىزدىك كەزىندە 337 ادام مەديتسينالىق كومەككە جۇگىنگەنى انىقتالدى. جاراقات العانداردىڭ 13-ءى اسكەري قىزمەتكەر, دەپ حابارلايدى Egemen.kz.
بۇگىندە ءار قيلى دەنە جاراقاتىن العان 109 ادام اۋرۋحانادا ەم قابىلداۋدا. الماتى وبلىسى دەنساۋلىق ساقتاۋ باسقارماسىنىڭ باسشىسى ومىرزاق نيازبەكوۆ دارىگەرلەرگە ميتينگكە قاتىسقاندار تاراپىنان شابۋىل جاسالماعانىن ايتتى.
«كوشەدە ورىن العان تارتىپسىزدىككە قاراماستان دارىگەرلەر مەن جەدەل جاردەم قىزمەتكەرلەرى جۇمىستارىن ادال اتقاردى. دارىگەرلەرگە ەرەۋىلشىلەر شابۋىل جاساعان جوق. جاپپاي تارتىپسىزدىك كەزىندە وبلىستىق جەدەل جاردەم ستانتسياسىنىڭ ءبىر قىزمەتكەرى زارداپ شەكتى. جەدەل جاردەم كولىگىنە اتقان وقتىڭ سالدارىنان سىنعان اينەك جۇرگىزۋشىنى جاراقاتتاعان. قازىرگى تاڭدا كولىك جۇرگىزۋشىسىنىڭ جاعدايى تۇراقتى», دەدى باسقارما باسشىسى.