جامبىلداعى تارتىپسىزدىككە قاتىسۋشىلاردى ىزدەۋ بارىسىندا ەكى اسكەري قىزمەتكەر قازا تاپتى, دەپ حابارلايدى Egemen.kz ۇقك ءباسپاسوز قىزمەتىنە سىلتەمە جاساپ.
«2022 جىلعى 10 قاڭتاردا ۇقك شەكارا قىزمەتى جامبىل وبلىسى بويىنشا دەپارتامەنتىنىڭ ۋچاسكەسىندە تارتىپسىزدىكتەرگە قاتىسۋشىلار مەن ۇقك دەپارتامەنتى عيماراتىنا شابۋىل جاساعانداردى ىزدەستىرۋ بويىنشا جاۋىنگەرلىك تاپسىرمانى ورىنداۋ كەزىندە قورداي اۋدانى بويىنشا شەكارا باسقارماسىنىڭ اسكەري قىزمەتشىلەرى: كاپيتان ەرزات كيناياتولدانوۆيچ كارمەنوۆ پەن كەلىسىمشارت قىزمەتىنىڭ اسكەري قىزمەتشىسى, قاتارداعى جاۋىنگەر شاۆكات شاتليكوۆيچ ارميدينوۆ كولىك اپاتىنا ۇشىراپ, قازا تاپتى», دەپ جازىلعان ۇقك تاراتقان حابارلامادا.
12 قاڭتار كۇنى وسكەمەن قالاسىندا كاپيتان ە.كارمەنوۆتى سوڭعى ساپارعا شىعارىپ سالدى. قاتارداعى جاۋىنگەر ش.ارميدينوۆتى الماتى وبلىسىنىڭ ۇلكەن ديحان اۋىلىندا جەرلەدى.
قازا تاپقاندارمەن قوشتاسۋ راسىمىنە ۇقك شەكارا قىزمەتىنىڭ شقو جانە الماتى وبلىسى بويىنشا دەپارتامەنتتەرىنىڭ باسشىلارى, شەكاراشى-ارداگەرلەر, ارىپتەستەرى مەن جاقىندارى قاتىستى.