ايماق كومەندانتى ەرلان فايزۋللين اتاپ وتكەندەي, وتكەن تاۋلىكتە ءتارتىپ ساقشىلارى 13 قىلمىستىق قۇقىق بۇزۋشىلىقتى انىقتادى, دەپ حابارلايدى Egemen.kz.
تج رەجيمىن بۇزعان ازاماتتارعا قاتىستى بارلىعى 586 اكىمشىلىك حاتتاما تولتىرىلدى. 51 ادام اكىمشىلىك قاماۋعا الىنسا, 14 بۇزۋشىعا ايىپپۇل سالىندى. سونداي-اق پوليتسيا قىزمەتكەرلەرى قالا تۇرعىندارىنان تىيىم سالىنعان 36 زاتتى تاركىلەدى.
ماسەلەن, بالقاش بلوكپوستىنان 53 جاستاعى قالا تۇرعىنى باسقارعان Land Cruiser اۆتوكولىگىنەن تەگىس ۇڭعىلى قارۋعا ارنالعان 6 پاترون تابىلدى. كولىك يەسىنە قاتىستى ازاماتتىق قارۋعا ارنالعان پاترونداردى تاسىمالداۋ ءتارتىبىن بۇزعانى ءۇشىن حاتتاما جاسالدى.
سونداي-اق تج كەزىندە پوليتسيا قىزمەتكەرلەرى 16 بىرلىك تەگىس ۇڭعىلى قارۋدى, 6 پىشاقتى تاركىلەپ, ەسىرتكى زاتتارىن ساقتاۋدىڭ 8 فاكتىسىن انىقتادى.