جامبىل وبلىسىندا كەشە تۇندە جاپپاي تارتىپسىزدىككە قاتىسقان تاعى 26 ادام ۇستالىپ, ولاردان 13 قارۋ-جاراق تابىلدى. ول بويىنشا قازىر 11 قىلمىستىق ءىس قوزعالعان, دەپ حابارلايدى Egemen.kz.
جەدەل-ىزدەستىرۋ شارالارى بارىسىندا قر ۇقك وبلىستىق دەپارتامەنتىنىڭ قىزمەتكەرلەرى ۇستالعانداردان 7 كالاشنيكوۆ اۆتوماتى, 3 پۋلەمەتتىك تاپانشا, 3 پىشاق, 100 وق-ءدارى تاركىلەدى.
جالپى, وبلىس بويىنشا جاپپاي تارتىپسىزدىككە قاتىسۋشىلاردىڭ سانى شامامەن 2000 مىڭعا جۋىق. بۇگىندە ونىڭ 400-گە جۋىعى پوليتسياعا جەتكىزىلدى. ب ۇلىك كەزىندە 287 ادام ءتۇرلى دەنە جاراقاتىن الىپ, 42-ادام اۋرۋحاناعا جاتقىزىلعان.
جەدەل وپەراتسيالار ناتيجەسىندە ۇستالعانداردىڭ 31-ءى سوتتىڭ شەشىمىمەن قاماۋعا الىنىپ, قىلمىستىق ءىس قوزعالدى. ۇستالعانداردان 97 بىرلىك قارۋ-جاراق تاركىلەندى.
ولاردىڭ 142-ىنە اكىمشىلىك ءىس قوزعالعان (110 تۇلعا 15 تاۋلىككە قاماققا الىنسا, 9-ىنا ايىپپۇل سالىنىپ, 23-ىنە ەسكەرتۋ بەرىلگەن).