ەلوردانىڭ تۇرعىن ءۇي سالاسىنداعى قالالىق قىزمەتتەر ورتالىعى مەملەكەت باسشىسىنىڭ قازاقستان حالقىنا جولداۋىندا ايتىلعان تاپسىرمالاردى ورىنداۋ بويىنشا تۇراقتى نەگىزدە جۇمىس جۇرگىزۋدە.
نۇر-سۇلتاندا تكش رەفورماسىن ىسكە اسىرۋ ءۇشىن ەلوردانىڭ ءوزىن-ءوزى رەتتەيتىن ۇيىمدارىنىڭ قاتىسۋىمەن «تۇرعىن ءۇي قاتىناستارى تۋرالى» قر زاڭىن ورىنداۋعا ىقپال ەتەتىن ءىس-شارالار جۇزەگە اسىرىلۋدا. بارلىق شارالار بيۋدجەت قاراجاتىنسىز تۇرعىن ءۇي قورىن باسقارۋ قىزمەتىن كاسىبيلەندىرۋگە, تۇرعىن ءۇي ساياساتىن ەنگىزۋگە جانە م ۇلىكتىڭ ساۋاتتى مەنشىك يەسى ينستيتۋتىن دامىتۋعا باعىتتالعان, دەپ حابارلايدى قالا اكىمدىگىنىڭ رەسمي سايتى.
ميب باعدارلاماسىن ىسكە اسىرۋ جونىندەگى ءىس-شارالار ەلوردادا 2020 جىلدان باستاپ بەلسەندى تۇردە جۇزەگە اسىرىلۋدا.
مەنشىك يەلەرىنىڭ بىرلەستىگى (ميب) – بۇل باسقارۋدىڭ جاڭا نىساندارىنىڭ ءبىرى (زاڭدى تۇلعا - كوممەرتسيالىق ەمەس ۇيىم), ول پاتەرلەر مەن كوممەرتسيالىق ءۇي-جايلاردىڭ يەلەرى كۇن سايىن ءوز قارجىلارىن سالاتىن ءۇيدى باسقارا الاتىنداي ەتىپ قۇرىلعان.
الايدا, جاۋاپتى قادام تۋرالى شەشىم قابىلداماس بۇرىن جانە باسقارۋدى باقىلاۋدى ءوز قولىڭىزعا الۋدان بۇرىن, مەنشىك يەلەرىنىڭ كوپشىلىگىنىڭ كەلىسىمىن الۋ كەرەك, سونىمەن قاتار ادىلەت دەپارتامەنتىندە زاڭدى تۇلعانى تىركەۋ ءۇشىن بىرقاتار راسىمدەردى جۇرگىزۋ قاجەت.
قۇجاتتاردى دايىنداۋعا جانە ميب-ءتى تىركەۋ بويىنشا كەڭەس بەرۋگە كومەكتەسۋ, ميب-ءتىڭ جاڭا قالالىق قىزمەت كورسەتۋ ورتالىعىن تولىعىمەن قامتاماسىز ەتتى.
«باسقارۋدىڭ جاڭا نىسانىن جانە م ۇلىكتىڭ ساۋاتتى مەنشىك يەسى ينستيتۋتىن ەنگىزۋ - كوپ ەڭبەكتى قاجەت ەتەتىن پروتسەسس. مەنشىك يەلەرىن ءۇيدى باسقارۋعا قوسىمشا جۇكتەمە الۋعا سەندىرۋ - بۇل ۇلكەن مىندەتتىڭ ءبىر بولىگى. بۇگىنگى كۇنى قالا باسشىلىعىنىڭ دۇرىس قۇرىلعان جۇمىسىنىڭ ارقاسىندا جۇيەلىك دەڭگەيدە ميب-ءتى قۇرۋ ماسەلەلەرى بويىنشا كومەك كورسەتىلەدى. بىراق باسقارۋدىڭ جاڭا فورمالارىنىڭ تىرشىلىكتە تۇراقتى بولۋى ءۇشىن قالاي جاعداي جاساۋ كەرەك دەگەن ماسەلەنى قازىردەن باستاپ شەشۋ قاجەت. ادامدار كورشىلەرىمەن تاتۋ بولىپ, ءۇيدىڭ يگىلىگى ءۇشىن بىرلىك پەن بەيبىتشىلىكتە جۇمىس ىستەۋى ءۇشىن ماڭىزدى. كەيبىر ۇيلەرگە قوماقتى قارجى قاجەت, بارلىق مەنشىك يەلەرى ينجەنەرلىك جۇيەلەرگە, قابىرعالارعا, شاتىرعا, قاسبەتكە بىردەي ينۆەستيتسيا سالۋعا دايىن ەمەس. اركىمنىڭ مۇمكىندىكتەرى بىردەي ەمەس. بۇل داۋلار مەن قاقتىعىستاردى تۋدىرادى. ادامدار بىرنەشە جىلدار بويى ۇيدەن رەسۋرس الدى, بىراق ونى قالپىنا كەلتىرۋگە ارقاشان دايىن ەمەس. تكش رەفورماسىنىڭ اسەرى باسقارۋدىڭ جاڭا نىساندارىنىڭ سانىندا ەمەس, ولاردىڭ تۇراقتىلىعىندا بولادى دەپ سانايمىن. وتپەلى كەزەڭدە ميب-ءتىڭ ءتيىمدى جۇمىس ىستەۋىنە مۇمكىندىك بەرەتىن قۇرالدارعا باسا نازار اۋدارۋ قاجەت», دەپ اتاپ ءوتتى نۇر-سۇلتان ميب ورتالىعىنىڭ باسشىسى گۇلۆيرا ابەتوۆا.