شەكارا قىزمەتىنىڭ اۋماقتىق بولىمشەلەرى تەرروريزمگە قارسى وپەراتسيانىڭ باستالۋىمەن دەربەس, سونداي-اق قۇقىق قورعاۋ ورگاندارىمەن بىرلەسكەن توپتاردىڭ قۇرامىندا قوعامعا قارسى اكتسيالارعا قاتىسۋ كۇدىگى بويىنشا 366 ادامدى ۇستادى, ولاردىڭ 6-ى قارسىلىق كورسەتۋ كەزىندە جاراقات الدى, دەپ حابارلايدى Egemen.kz قر ۇقك ءباسپاسوز قىزمەتىنە سىلتەمە جاساپ.
وپەراتسيا كەزىندە: 30 بىرلىك قارۋ, اتاپ ايتقاندا 22 تەگىس ۇڭعىلى, 3 كارابين, 5 تاپانشا, 245 بىرلىك وق-ءدارى, 2 بىرلىك سۋىق قارۋ, سەگىز راديوستانتسيا, 4 وق-ءدارى الىندى.
ۇستالعانداردان 200-دەن استام ۇيالى تەلەفون, ساندىق تەحنيكا, حالىق تۇتىناتىن تاۋارلار (15 قوراپ پارفيۋمەريا, 267 بوتەلكە سپيرتتىك ىشىمدىكتەر) جانە قوماقتى قارجى سوماسى تاركىلەندى.
سونداي-اق, ۇستالعاندار ءجۇرىپ وتكەن 29 اۆتوكولىك, ميتينگتەردى زاڭسىز ۇيىمداستىرۋ ءتارتىبى بويىنشا ءدىني ادەبيەتتەر مەن قۇرالدار تاركىلەندى.
شەكارا قىزمەتىنىڭ بولىمشەلەرى تۇراقتى جاۋىنگەرلىك ازىرلىكتە بولادى, شەكارانى كۇزەتۋ كۇشەيتىلگەن رەجيمدە جۇزەگە اسىرىلادى.