قحل: «بارىس» سىرت ايدىندا «تورپەدومەن» كەزدەسەدى

ەلوردالىق كلۋب 47 ويىننان كەيىن شىعىس كونفەرەنتسياسىندا 48 ۇپاي جيناپ, سەگىزىنشى ورىندا كەلەدى. «تورپەدو» سونشاما ماتچتان سوڭ 49 ۇپايمەن باتىس كونفەرەنتسياسىندا توعىزىنشى ساتىدا تۇر.

قوس كوماندا دا پلەي-وفقا شىعۋعا مۇمكىندىك بەرەتىن ۇزدىك سەگىزدىككە ىلىگۋدى ماقسات ەتكەندىكتەن, بۇگىنگى كەزدەسۋدىڭ ماڭىزى زور. وتكەن تۋردا يۋري ءميحايليستىڭ شاكىرتتەرى ماگنيتوگورسكىدە وۆەرتايمدا «مەتاللۋرگتى» جەڭسە (4:3), «تورپەدو» سانكت-پەتەربۋرگتە سكا-دان ۇتىلىپ قالعان بولاتىن (0:3). «تورپەدو» حوككەي كلۋبى ءوز سايتىندا التى ادامنىڭ كوروناۆيرۋس جۇقتىرعانىن ءمالىم ەتتى.

كوماندانىڭ مەديتسينا قىزمەتكەرلەرى ىندەتتىڭ ودان ءارى جايىلماۋى ءۇشىن الدىن الۋ ءىس-شارالارىن جۇرگىزۋدە.

«تورپەدو» — «بارىس» ماتچى ەلوردا ۋاقىتىمەن ساعات 22.00-دە باستالىپ, «Qazsport» تەلەارناسىنان تىكەلەي ەفيردە كورسەتىلەدى.