تاڭەرتەڭنەن باستاپ رەسەي استاناسىنىڭ تۇرعىندارى مەن قوناقتارى, وسىندا تۇراتىن قازاقستاندىقتار, قازاق دياسپوراسىنىڭ وكىلدەرى قازاقستاننىڭ ماسكەۋدەگى ەلشىلىگى عيماراتىنىڭ الدىنا گۇل شوقتارىن قويۋدا, دەپ حابارلايدى Egemen.kz.
«ولار قازا تاپقانداردىڭ وتباسىلارىنا كوڭىل ايتىپ, زارداپ شەككەندەرگە قولداۋ ءبىلدىرىپ, ساۋىعىپ كەتۋىن تىلەيدى», دەپ جازىلعان ماسكەۋدەگى قازاقستان ەلشىلىگى تاراتقان حابارلامادا.
ەسكە سالا كەتەيىك, ەلىمىزدىڭ بىرقاتار وڭىرلەرىندە ورىن العان قايعىلى وقيعالاردىڭ سالدارىنان ادامداردىڭ قازا بولۋىنا بايلانىستى, 10 قاڭتار قازاقستاندا ۇلتتىق ازا تۇتۋ كۇنى بولىپ جاريالاندى.