ەلوردادا ۇقك قىزمەتكەرى قازا بولدى, دەپ حابارلايدى Egemen.kz كوميتەتتىڭ ءباسپاسوز قىزمەتىنە سىلتەمە جاساپ.
«10 قاڭتاردا نۇر-سۇلتان قالاسىندا تۇرعىلىقتى جەرى بويىنشا ءۇيدىڭ اۋلاسىنان ۇقك پولكوۆنيگى ازامات ىبىراەۆتىڭ ءمايىتى تابىلدى. اتالعان فاكتىنى نۇر-سۇلتان قالاسى پد ەسىل اۋداندىق پوليتسيا ءبولىمى 2022 جىلعى 10 قاڭتارداعى №227116031000018 سوتقا دەيىنگى تەرگەۋدىڭ بىرىڭعاي تىزىلىمىنە تىركەدى», دەلىنگەن حابارلامادا.
كوميتەتىڭ مالىمەتىنشە, قازىر سوتقا دەيىنگى تەرگەۋ امالدارى جۇرگىزىلىپ جاتىر.