ۇقشۇ ۇجىمدىق قاۋىپسىزدىك كەڭەسىنىڭ وتىرىسىندا رەسەي پرەزيدەنتى ۆلاديمير پۋتين قازاقستان پرەزيدەنتى تەرروريستەرگە سىرتتان تويتارىس بەرۋ ءۇشىن اينالاسىنداعى قوعامدى, كۇش قۇرىلىمدارىن جانە ەل ازاماتتارىن شوعىرلاندىرا العانىن ايتتى, دەپ حابارلايدى Egemen.kz.
رەسەي پرەزيدەنتى بۇل قاۋىپ وتىن باعاسىنا قاتىستى ستيحيالىق ەمەس نارازىلىق اكتسيالارىنان تۋىنداعانىن اتاپ ءوتتى.
«جاعدايدى دەسترۋكتيۆتى ىشكى جانە سىرتقى كۇشتەر پايدالاندى. مايدانعا ءتان تەحنولوگيالار نارازىلىقتاردى اقپاراتتىق قولداۋدىڭ قۋاتتى ەلەمەنتتەرىن بەلسەندى قولداندى. جاقسى ۇيىمداستىرىلعان جانە باسقارىلاتىن سودىرلار توپتارى, سونىڭ ىشىندە شەتەلدەگى لاڭكەستىك لاگەرلەردە دايىندىقتان وتكەن توپتار قولدانىلدى», دەدى ۆلاديمير پۋتين.
«قاسىم-جومارت كەمەل ۇلى اتاپ وتكەندەي, ولاردىڭ قازاقستانعا شابۋىلى, ال شىن مانىندە بۇل ەلگە شابۋىل اگرەسسيا اكتىسى بولدى. مەن بۇنىمەن تولىقتاي كەلىسەمىن. مۇنىڭ بارىنە كىدىرىسسىز جاۋاپ بەرۋ كەرەك بولدى», دەدى ول.
ول سونداي-اق, قازاقستان پرەزيدەنتىنىڭ ۇندەۋىن ۇقشۇ-عا مۇشە مەملەكەتتەردىڭ باسشىلارى بىردەن قولداعانىن جەتكىزدى.
«ۇقشۇ تەتىگى ناقتى ىسكە قوسىلدى - قازاقستانعا ۇقشۇ ۇجىمدىق بىتىمگەرشىلىك كۇشتەرىنىڭ كونتينگەنتى جىبەرىلدى, جانە مۇنى قازاقستان باسشىسى ونى قولدانۋ مۇمكىن دەپ ەسەپتەيتىن ۋاقىت شەكتەۋلى كەزەڭگە اتاپ كورسەتكىم كەلەدى. ءوز فۋنكتسيالارىن ورىنداعاننان كەيىن بارلىق كونتينگەنت قازاقستان اۋماعىنان شىعارىلاتىن بولادى», دەپ اتاپ ءوتتى رف كوشباسشىسى.
ول ۇقشۇ ۇبك-ءنى قولدانۋ «ۋاقتىلى جانە تەك زاڭدى اكتسيا» بولىپ تابىلاتىنىن, ال ۇقشۇ بولىمشەلەرى ەلدىڭ رەسمي سۇراۋ سالۋى نەگىزىندە جانە ۇجىمدىق قاۋىپسىزدىك تۋرالى شارتتىڭ ەرەجەلەرىنە سايكەس جەتكىزىلگەنىن اتاپ ءوتتى.
ول قازاقستان باسشىلىعىنىڭ شارالارى مەن ۇقشۇ بويىنشا ارىپتەستەردىڭ قولداۋىمەن جاعداي بىرتىندەپ قالىپقا كەلە باستاعانىن ايتتى.
«مەن قازاقستان پرەزيدەنتىنىڭ وسى وقيعانى ءوز جاۋاپكەرشىلىگىنە العان باتىلدىعىن اتاپ وتكىم كەلەدى. ول بارلىق ءىس-شارالاردى باسقاردى, سىرتقى تەرروريستەرگە قارسى تۇرۋ ءۇشىن قوعامدى, كۇش قۇرىلىمدارىن, ەل ازاماتتارىن شوعىرلاندىردى. قازاقستان باسشىلىعى قۇقىق قورعاۋ ورگاندارىنىڭ, ەل ەكونوميكاسىنىڭ قالىپتى جۇمىسىن جولعا قويۋ ءۇشىن قولدان كەلگەننىڭ ءبارىن جاسايتىنىنا سەنىمدىمىن, بۇعان ءبىر سەكۋندقا دا كۇمانىم جوق», دەپ تۇيىندەدى ول.