جاقىن ارادا اۋقىمدى انتيتەرروريستىك وپەراتسيا مارەسىنە جەتەتىن بولادى. بۇل تۋرالى مەملەكەت باسشىسى قاسىم-جومارت توقاەۆ ۇجىمدىق قاۋىپسىزدىك كەڭەسىنىڭ كەزەكتەن تىس سەسسياسىندا ايتتى, دەپ حابارلايدى Egemen.kz.
«جاقىن ارادا تەرروريزمگە قارسى اۋقىمدى وپەراتسيا اياقتالادى, ال ونىمەن بىرگە ۇقشۇ كونتينگەنتىنىڭ ميسسياسى دا اياقتالادى. ەڭ باستىسى, بولاشاقتا مۇنداي وقيعالاردىڭ ۇجىمدىق قاۋىپسىزدىك كەڭىستىگىندە قايتالانۋىنا جول بەرمەۋ. مەنىڭ ويىمشا, بۇل ءبىزدىڭ جاقىن بولاشاقتاعى نەگىزگى مىندەتىمىز. قازاقستان بۇل جۇمىسقا دايىن جانە ارقاشان وداقتاستارىنا قولداۋ كورسەتەدى», دەدى قاسىم-جومارت توقاەۆ.