قازگيدرومەت سينوپتيكتەرى 10, 11, 12 قاڭتاردا ەلىمىزدە اۋا رايى قانداي بولاتىنىن ايتتى, دەپ حابارلايدى Egemen.kz.
قازگيدرومەتتىڭ حابارلاۋىنشا, انتيتسيكلون ەلىمىزدىڭ سولتۇستىك, ورتالىق جانە شىعىس وبلىستارىنا اسەر ەتىپ, -20 -25, كەي جەرلەردە 30 گرادۋسقا دەيىن اياز بولادى.
«12 قاڭتاردا سولتۇستىك جانە وڭتۇستىك تسيكلوندار وزدەرىمەن بىرگە قار, بوران, سۋىق اۋا تەمپەراتۋراسىن اكەلەدى. الايدا 13 قاڭتاردا سولتۇستىك-باتىس انتيتسيكلون تىلعا اۋىسىپ, سالدارىنان سولتۇستىك-باتىستا, سولتۇستىكتە, شىعىستا, ەلدىڭ ورتالىعىندا 30 گرادۋسقا دەيىن اياز بولادى», دەلىنگەن حابارلامادا.
قازاقستاننىڭ وڭتۇستىك, وڭتۇستىك-شىعىس وڭىرلەرىندە تسيكلون اسەرىنەن جاۋىن-شاشىن, تۇمان, كوكتايعاق, جەلدىڭ كۇشەيۋى, سونداي-اق اۋا تەمپەراتۋراسىنىڭ بىرتىندەپ جىلۋى كۇتىلەدى.