باقىتجان ساعىنتاەۆ الماتىنىڭ تىنىس-تىرشىلىگىن بىرتىندەپ قالىپقا كەلتىرۋ تۋرالى ايتتى, دەپ حابارلايدى Egemen.kz.
ۆەدومستۆو مالىمەتىنشە, ساعىنتاەۆ قالا تۇرعىندارىنا تىنىشتىق پەن باتىلدىق, جاعدايدى تۇراقتاندىرۋعا جانە ءتارتىپ ورناتۋعا ىقپال ەتكەنى ءۇشىن العىس ايتتى.
ء«بىز قازاقستاندىقتاردىڭ قيىن كەزەڭدەردە ۇيىمشىل بولىپ, ءبىرتۇتاس جۇدىرىق رەتىندە ارەكەت ەتەتىنىنە تاعى دا كوز جەتكىزدىك. الماتىلىقتارعا تارتىپسىزدىك كەزىندە كورسەتكەن سابىرلىلىق پەن باتىلدىق جانە بىزگە كورسەتكەن كومەكتەرىڭىز ءۇشىن العىس ايتامىن», دەدى باقىتجان ساعىنتاەۆ.
الماتىنىڭ تىنىس-تىرشىلىگىن قالپىنا كەلتىرۋ جونىندەگى قالالىق شتاب تاۋلىك بويى جۇمىس ىستەيدى. قالانىڭ بارلىق قىزمەتتەرى انتيتەرروريستىك ورتالىقپەن تىعىز قارىم-قاتىناستا جۇمىس ىستەيدى. بارلىق ماسەلەلەر كەلىسىلگەن تۇردە شەشىلەدى جانە بىرتىندەپ قالا قالىپتى جاعدايعا ورالادى.
اكىمدىك مالىمەتىنشە, قالانىڭ بارلىق اۋدانىندا تازالىق جۇمىستارى جۇرگىزىلىپ جاتىر. كوشەلەردەن 200 توننادان استام قوقىس, اۋلالاردان مىڭ توننادان استام قتق شىعارىلدى. كوممۋنالدىق قىزمەتتەر اسكەري قىزمەتشىلەر زالالسىزداندىرعان اۋماقتارعا كىرەدى. قۇقىق قورعاۋ ورگاندارى قالانى تازارتۋ ءجۇرىپ جاتىر. ايتا كەتەيىك, بۇل كۇندەرى قالانىڭ تىنىس-تىرشىلىگىن قامتاماسىز ەتۋ جۇيەسى ءۇزىلىسسىز جۇمىس ىستەيدى. حالىقتى سۋمەن جابدىقتاۋ, كارىز, گازبەن جابدىقتاۋ, جىلۋ قىزمەتتەرىمەن قامتاماسىز ەتۋ شتاتتىق رەجيمدە جۇرگىزىلەدى.
قالانىڭ ازىق-ت ۇلىك قاۋىپسىزدىگى قامتاماسىز ەتىلدى. 80-گە جۋىق سۋپەرماركەت, ءۇش ءىرى ازىق-ت ۇلىك بازارى, 70-كە جۋىق جقس, 111 ءدارىحانا جۇمىس ىستەي باستادى, ولاردىڭ ۇشەۋى تاۋلىك بويى جۇمىس ىستەيدى. اۆتوگاز باعاسى ليترىنە 70 تەڭگەگە دەيىن تومەندەدى.
«قابىلدانىپ جاتقان شارالار قالا ءومىرىن بىرتىندەپ قالىپقا كەلتىرۋگە مۇمكىندىك بەردى. بىزدەن تەك سابىرلىق, شىدامدىلىق پەن تۇسىنىستىك قاجەت», دەدى قالا اكىمى.