قۋاتتى قوستاناي تراكتورى

قوستاناي تراكتور زاۋىتى بىلتىر 400 تراكتور قۇراستىرىپ, ءوندىرىس كولەمىن 65%-عا دەيىن ۇل­عايتتى. الدىڭعى جىلى نەبارى 242 تراكتور جاساپ شىعارعان زا­ۋىت, وسىلايشا, جوسپارىن 20 پا­يىزعا اسىرا ورىنداپ, جىلدى جە­مىستى اياقتادى. بۇعان دەيىن تراك­توردى رەسەيدەن بۇتىندەي بول­شەك تۇرىندە اكەلىپ, ونى تەك قۇ­راستىرۋمەن عانا شەكتەلىپ كەل­گەن قوستانايلىق زاۋىت بىل­تىر­دان باستاپ «كيروۆەتسكە» قا­­جەت پلاستيك بولشەكتەردى تۇ­گەلدەي قوستانايدا وندىرە باس­تادى.

– ءبىزدىڭ زاۋىت ءوز دامۋىنداعى جاڭا ءبىر كەزەڭدى ەڭسەردى. پلاس­تيكتەن جاسالاتىن كومپونەنتتەر ءوندىرىسىن ىسكە قوسۋ وڭاي بول­عان جوق. زاۋىت ماماندارى سانكت-پەتەربۋرگتە وقىپ كەل­دى. نا­تيجەسىندە, قازىر تراك­تور­دىڭ ال­دىڭعى جانە ارتقى دوڭ­عا­لاق­تارىنىڭ جابىن قاناتتارىن, اككۋممۋلياتور باتارەياسىنىڭ قاپ­تاماسىن, كابينانىڭ توبەسىن جانە كاپوتتى ءوزىمىز جاسايمىز. اسىرەسە, كاپوت جاساۋ اسا قيىن. ول ءۇشىن ءپىشىنى ءارتۇرلى 19 قو­سىمشا دەتال جاساپ شى­عارۋ كەرەك. سونىمەن قاتار جا­ڭا قۇرىلعىنى مەڭگەرۋدىڭ ناتي­جەسىندە باللاستىق جۇكتى, ياعني تەحنيكانىڭ تەپە-تەڭدىگىن ساق­تاۋعا قاجەت قۇرالدى ءوندىرۋدى يگەر­دىك. شارتتى تۇردە, ءبىر تراك­تورعا مۇنداي بولشەكتىڭ 80 شاق­تىسى قاجەت. ونىڭ ءبارىنىڭ سال­ماعى 1 مىڭ كيلودان اسادى. ءبىر اۋىسىمدا ءبىز 162 باللاستىق جۇك شىعارامىز, ال ءبىر ماۋسىمدا ونىڭ سانى شامامەن 40 مىڭعا جەتەدى, – دەدى قوستاناي تراكتور زاۋىتىنىڭ ديرەكتورى دينارا شۇكىجانوۆا.

كومپانيا باسشىسىنىڭ ايتۋىنشا, قوستاناي تراكتور زاۋىتى ەكى جىل ىشىندە ءوندىرىستى دامىتۋعا سەرپىن بەرەتىن ءبىراز شارۋانىڭ باسىن قايىرعان. بۇ­گىنگى تاڭدا ءوندىرىستى ورىستەتۋگە قاجەت زاماناۋي جابدىقتار, سە­نىمدى سەرىكتەستەر بار. قازىر كا­سىپورىن قۋاتى 300 جانە 420 ات كۇشىنە تەڭ «كيروۆەتس» تراكتورلارىن شىعارادى.

بيىل تراكتورلاردى ءالى دە جا­ڭار­تا ءتۇسۋ جوسپارلانىپ وتىر. ماسەلەن, ك-7م تراكتور­لا­­رىنداعى جاڭا گيدروجۇيە ەن­دى بى­رىزدەندىرىلەتىن بولادى. سوندىقتان ءار تراكتور قا­شىق­تان باسقارۋ جۇيەسى­مەن جاب­دىق­تالادى. بۇل تەحني­كانىڭ تۇر­عان جەرىن, ونىڭ جىلد­ام­دىعىن, وتىن شىعىنىن, قوز­عالت­­قىشتىڭ جاي-كۇيىن ونلاين رە­جىمدە باقىلاۋعا مۇمكىندىك بەرەدى.

قوستاناي وبلىسى