الماتىدا پوليتسەيلەر اۆتوكولىك اينالارىن ۇرلاپ كەلگەن ۇرىنى ۇستادى. بۇل تۋرالى ءوزىنىڭ Instagram پاراقشاسىندا قالالىق پوليتسيا دەپارتامەنتى باستىعىنىڭ تەرگەۋ جۇمىسى جونىندەگى ورىنباسارى اقپارات تاراتتى, دەپ حابارلايدى Egemen.kz Tengrinews.kz-كە سىلتەمە جاساپ.
قازىرگى ۋاقىتتا مەگاپوليستىڭ 31 جاستاعى تۇرعىنىنىڭ 11 اۆتوكولىك ايناسىن ۇرلاۋعا قاتىسى بار ەكەنى انىقتالدى.
پوليتسەيلەر ونى تۇرعىلىقتى جەرى بويىنشا جەدەل-ىزدەستىرۋ شاراسى بارىسىندا ۇستادى. ودان شەتەلدىك كولىكتەردەن ۇرلانعان اينالار تاركىلەندى. ەر ادام تۇنگى ۋاقىتتا تۇرعىن ۇيلەردىڭ اۋلالارىندا ۇرلىق جاساعان. اينانى نارىقتىق باعادان تومەن باعامەن ساتىپ كەلگەن. ايىپتالۋشى نەگىزىنەن Toyota, Lexus جانە Mercedes كولىكتەرىنىڭ ايناسىن ۇرلاۋعا داعدىلانعان.