قحل-دىڭ كەزەكتى تۋرىندا «بارىس» ءوز ايدىنىندا «دينامو» (ريگا) كومانداسىن قابىلداپ, قارسىلاسىن ويسىراتا جەڭدى, دەپ حابارلايدى Egemen.kz.
العاشقى جيىرما مينۋتتىقتا رومان ستارچەنكو مەرگەندىگىمەن كوزگە تۇسسە, ەكىنشى كەزەڭدە انتون ساگادەەۆ ەسەپ ايىرماسىن ارتتىردى. بۇدان سوڭ قوناقتار ساپىنان بەلسەنگەن مارتينش كارسۋم ەسەپ ايىرماسىن قىسقارتتى. ارادا از ۋاقىت وتكەندە رومان ستارچەنكو ەكىنشى شايباسىن سوعىپ, ەسەپتى 3:1-گە جەتكىزدى.
ءۇشىنشى كەزەڭدە قازاقستاندىق كلۋب قاھارىنا ءمىندى. ياكوب بەرگلۋند ءبىر مارتە مەرگەندىك تانىتسا, نيكيتا ميحايليس دۋبل اۆتورى اتاندى. رومان ساۆچەنكو سوققان شايبا كەزدەسۋدىڭ نۇكتەسىن قويدى. قورىتىندى ەسەپ 7:1. ەلوردالىق كلۋبتىڭ جاڭا جىلدى جارقىن جەڭىسپەن باستاعانى كوڭىل قۋانتتى.