بيىل قازاقستاندىق وقۋشىلار حالىقارلىق پاندىك وليمپيادادا 2 التىن, 13 كۇمىس جانە 11 قولا مەدال جەڭىپ الدى. بۇل جايىندا قر ءبىلىم جانە عىلىم ءمينيسترى اسحات ايماعامبەتوۆ مالىمدەدى, دەپ حابارلايدى Egemen.kz.
«2021 جىل قازاقستاندىق وقۋشىلار ءۇشىن ولجالى بولدى. بيىل شاكىرتتەر الەمدىك وليمپيادالاردا 31 مەدالدىڭ 26-ىن جەڭىپ الىپ, سوڭعى جىلدارداعى رەكوردتى جاڭارتتى. ءبىلىم الۋشىلار ەل قورجىنىنا 2 التىن, 13 كۇمىس جانە 11 قولا مەدال سالدى. بيىلعى قازاقستان حالقىنا جولداۋىندا مەملەكەت باسشىسى قاسىم-جومارت كەمەل ۇلى توقاەۆ دارىندى بالالاردى قولداۋ ءۇشىن شارالار ازىرلەۋدى تاپسىردى.بۇل مىندەتتى ىسكە اسىرۋ ءۇشىن مينيسترلىك زاڭناماعا تۇزەتۋلەر ازىرلەدى. قازىر زاڭ جوباسى قر پارلامەنتى ءماجىلىسىنىڭ قاراۋىنا ەنگىزىلدى», دەپ جازدى مينيستر Facebook پاراقشاسىندا.
ونىڭ ايتۋىنشا, تۇزەتۋلەر حالىقارالىق ءپان وليمپيادالارىنىڭ جۇلدەگەرلەرىنە جوعارى وقۋ ورىندارىنا ۇبت-ءسىز, ياعني كونكۋرستان تىس نەگىزدە ءبىلىم الۋ ءۇشىن گرانتتار بەرۋدى, سونداي-اق وسى وليمپيادالاردىڭ جەڭىمپازدارى مەن جۇلدەگەرلەرى جانە ولاردى دايارلاعان پەداگوگ- جاتتىقتىرۋشىلارعا دا بىرجولعى اقشالاي سىياقى تولەۋدى كوزدەيدى.
«وقۋشىلاردى ىنتالاندىرۋ ءۇشىن التىن مەدال يەگەرلەرىنە — 1500 اەك, كۇمىس مەدال – 1000 اەك, قولا مەدال – 500 اەك كولەمىندە اقشالاي سىياقى تاعايىنداۋ جوسپارلانىپ وتىر», دەدى اسحات ايماعامبەتوۆ.