ايگىلى پروموۋتەر بوب ارۋم WBC تۇجىرىمى بويىنشا اسا اۋىر سالماق دارەجەسىندەگى الەم چەمپيونى, ۇلىبريتانيالىق بوكسشى تايسون فيۋري مەن ونىڭ وتانداسى ديلليان ۋايت اراسىندا ءوتۋى مۇمكىن جەكپە-جەككە قاتىستى پىكىر ءبىلدىردى, دەپ حابارلايدى Egemen.kz.
«تايسون فيۋري مەن ديلليان ۋايت اراسىنداعى شايقاس تارتىستى وتەتىنى داۋسىز. تايسون – قازىردىڭ وزىندە اتى اڭىزعا اينالعان بوكسشى. ەگەر ۋايت ونى جەڭەتىنىنە سەنىمدى بولسا, ءبىز ۇسىنعان سوماعا كەلىسۋى كەرەك. ءبىز ءدال قازىر تابىستىڭ 75 پايىزىن تايسون, 25 پايىزىن ديلليان الادى دەگەن ۇسىنىس جاسادىق. الايدا ديلليان 5,5 ميلليون دوللاردى مىسە تۇتپاي, 10 ميلليون دوللاردان استام اقشا سۇراپ وتىر.
سىزدەر ۋايتتىڭ وسى ۋاقىتقا دەيىن قانشا تابىس تاپقانىن قاراپ كورىڭىزدەر. تۇككە تاتىمايدى. ال ءبىز ۇسىنعان سوما ونىڭ كاسىبي مانسابىنداعى ەڭ ۇلكەن تابىسى بولاتىنى ءسوزسىز. ەگەر ديلليان كونبەگەن جاعدايدا تايسون تەك The Ring جۋرنالىنىڭ بەلدىگىن عانا قورعايدى. ودان كەيىن الەكساندر ۋسيك پەن ەنتوني دجوشۋا جەكپە-جەگىنىڭ جەڭىمپازىمەن كەزدەسەدى. بۇل جاعدايدا تەك ديلليان ۋايت قانا بارماق تىستەپ قالادى», دەيدى ول.