قازاقستاندا زاڭعا قايشى كەلەتىن 5700-دەن استام ينتەرنەت-رەسۋرس بۇعاتتالدى. بۇل تۋرالى ىشكى ىستەر مينيسترلىگى مالىمدەدى, دەپ حابارلايدى Egemen.kz.
ء«بىز ينتەرنەت جەلىسىنە زاڭعا قارسى ءىس-ارەكەتتەردى, بالالاردى ازعىرۋ, سۋيتسيدتىك ويىندار, بۇزۋشىلىقتار مەن قاتىگەزدىككە شاقىرۋ جانە جالعان اقپاراتتى تاراتۋمەن بايلانىستى اقپاراتتى انىقتاۋ بويىنشا ۇنەمى تالداۋ جۇرگىزىپ وتىرامىز. جىل باسىنان بەرى 7300 شەتەلدىك ينتەرنەت-رەسۋرستار انىقتالدى, ونىڭ ىشىندە پورنوگرافيا, ەسىرتكى قىلمىسى, ينتەرنەت-كازينو قىزمەتى, قارجى پيراميدالارى جانە باسقا دا الاياقتىق سحەمالار, قاتىگەزدىك پەن ءسۋيتسيدتى ناسيحاتتاۋ, قارۋ-جاراق ساتۋ جانە باسقالارى بار. ولاردىڭ مالىمەتتەرى قازاقستان اۋماعىنان كىرۋدى بۇعاتتاۋ ءۇشىن كيبەرباقىلاۋدىڭ اقپاراتتىق جۇيەسىنە ەنگىزىلگەن. قازىرگى ۋاقىتتا 5 736 رەسۋرس بۇعاتتالدى, قالعاندارى تەكسەرۋ ساتىسىندا تۇر», دەدى قر ىشكى ىستەر مينيسترلىگى كريمينالدىق پوليتسيا دەپارتامەنتىنىڭ كيبەرقىلمىسپەن كۇرەس ورتالىعى باستىعىنىڭ مىندەتىن اتقارۋشى رۇستەم دۇيسەتاەۆ ءماجىلىس كوميتەتىنىڭ وتىرىسىندا.
ول بالالار مەن كامەلەتكە تولماعاندارعا قاتىستى قىلمىستاردى انىقتاۋعا ەرەكشە نازار اۋدارىلاتىنىن اتاپ ءوتتى.
«بىرنەشە مىسال كەلتىرەيىن. 2020 جىلى مونيتورينگ بارىسىندا ءبىز كامەلەتكە تولماعان قازاقستاندىقتارعا قاتىستى سۋيتسيدتىك سيپاتتاعى توپ تۋرالى اقپارات الدىق. جەدەل-ىزدەستىرۋ ناتيجەسىندە الەۋمەتتىك جەلىلەردە وسىنداي توپتار قۇرعان ارىس قالاسىنىڭ تۇرعىنى ۇستالدى.
وسىلايشا «جاسىل مىسىق» ويىنىنداعى 21 تاپسىرمانى ورىنداۋ كەرەك بولعان. سوڭعى تاپسىرما زياندى سۇيىقتىقتاردى قولدانۋ, بيىك عيماراتتان سەكىرۋ جانە ت.ب. ارقىلى سۋيتسيد جاساۋ بولعان. ويىن سالدارىنان شقو-نىڭ 14 جاستاعى تۇرعىنى زارداپ شەككەن. قىلمىس انىقتالعان كەزدە ول 14 تاپسىرمانى ورىنداعان ەدى. وسى جىلدىڭ ناۋرىز ايىندا اۋداندىق سوت كۇدىكتىنى 4 جىلعا باس بوستاندىعىنان ايىردى», دەدى رۇستەم دۇيسەتاەۆ.