ايەلدەر تەننيس قاۋىمداستىعى (WTA) جەكە جانە جۇپتىق رازرياد رەيتينگتەرىنىڭ جاڭارتىلعان نۇسقاسىن جاريالادى, دەپ حابارلايدى Egemen.kz Sports.kz-كە سىلتەمە جاساپ..
رەيتينگتە اۋستراليالىق ەشلي بارتي كوش باستاپ تۇر, ەكىنشى ورىندا - بەلورۋسسيالىق ارينا سوبولەنكو, ءۇشىنشى ورىندا - يسپاندىق سپورتشى گاربينە مۋگۋرۋسا.
قازاقستاننىڭ وكىلى ەلەنا رىباكينا 14-ءشى ورىندا قالدى, يۋليا پۋتينتسەۆا بۇرىنعىداي 42-ءشى, زارينا دياس 102-ءشى ورىندى ساقتاپ قالدى.
جۇپتىق رازرياد رەيتينگىندە چەحيا سپورتشىلارى كاتەرينا سينياكوۆا مەن باربورا كرەيچيكوۆا جانە قىتايلىق سە سۋ-ۆەي كوش باستاپ تۇر. رىباكينا 50-ءشى قاتاردان كورىندى, اننا دانيلينا - 75-ءشى, دياس ءبىر جولعا تومەن ءتۇسىپ, 180-ءشى ورىندى يەلەندى.