قحل: «بارىس» كەزەكتى ويىنىن سىرت ايدىندا «تراكتورمەن» وتكىزەدى

«تراكتور» كومانداسى 61 ۇپايمەن قحل-دىڭ جالپى كەستەسىندە ەكىنشى ورىندا كەلەدى. شىعىس كونفەرەنتسياسىندا 40 ۇپايمەن سەگىزىنشى ساتىدا تۇرعان «بارىس» تا بۇل ويىندا بارىن سالاتىنى انىق.

وتكەن تۋردا «تراكتور» ءوز ايدىنىندا «سەۆەرستالدى» 6:1 ەسەبىمەن تاس-تالقان ەتسە, «بارىس» قازاندا «اك بارسقا» ەسە جىبەردى – 3:5.

بۇگىن انۆار گاتياتۋلين جاتتىقتىراتىن «تراكتور» كلۋبى ءوزىنىڭ 74 جىلدىعىن اتاپ وتەدى. سوندىقتان اتاۋلى كۇندە ايدىن يەلەرى جانكۇيەرلەرىنە جەڭىس سىيلاۋعا تىرىساتىنى بەلگىلى.

«تراكتور» ءوز ايدىنىنداعى سوڭعى ءتورت باسەكەدە «بارىسقا» ەسە جىبەردى. دەگەنمەن بيىلعى ماۋسىمدا چەليابىلىك حوككەيشىلەر 5 قاراشادا قازاقستان استاناسىندا ەلوردالىق كوماندانى وۆەرتايمدا 5:4 ەسەبىمەن جەڭىپ كەتتى.

ماتچ ەلوردا ۋاقىتىمەن ساعات 18.00-دە باستالىپ, Qazsport تەلەارناسىنان تىكەلەي ەفيردە كورسەتىلەدى.