گەرمانيانىڭ امبەرگ قالاسىندا كوكتايعاق سالدارىنان 50-گە جۋىق كولىك ءبىر-بىرىنە سوعىلدى, دەپ حابارلايدى Egemen.kz BILD باسىلىمىنا سىلتەمە جاساپ.
باسىلىم مالىمەتتەرىنە سايكەس, ءىرى جول اپاتىنان بىرنەشە ادام ءتۇرلى دەنە جاراقاتتارىن العان.
وقيعا التىنشى اۆتوباندا ورىن الدى. قازىر بۇل جول ەكى باعىتتا دا تولىعىمەن جابىلدى. اپاتتىڭ سەبەبى - قالادا جاۋعان مۇزدى جاڭبىر.
«جوعارعى فرانكونيادا مۇزدى ارالاس جاڭبىر جاۋدى. اپات ورنىنا اتتانعان ءبىزدىڭ ارىپتەستەرىمىز دە ءبىراز قيىندىقتارعا تاپ بولدى», دەيدى ءتارتىپ ساقشىلارى.