قحل: «بارىس» بۇگىن «اك بارس» كومانداسىمەن كەزدەسەدى

ايدىن يەلەرى شىعىس كونفەرەنتسياسىندا 53 ۇپايمەن ءتورتىنشى ورىندا تۇرسا, 40 ۇپايى بار «بارىس» جەتىنشى ساتىدا كەلەدى.

وتكەن تۋردا «اك بارس» قازاندا چەليابىنىڭ «تراكتورىن» 5:1 ەسەبىمەن سۇرىندىرسە, ەلوردالىقتار ەكاتەرينبۋرگتە ءوزىنىڭ نەگىزگى قارسىلاستارىنىڭ ءبىرى ء«اۆتوموبيليستى» ۇتقان ەدى (2:0).

بيىلعى ماۋسىمدا قوس كوماندانىڭ ءبىر-اق رەت جولدارى توقايلاستى. قازاقستان استاناسىندا 10 قازاندا «اك بارس» ەلوردالىق كلۋبتى 6:3 ەسەبىمەن جەڭىپ كەتتى. ءار كونفەرەنتسيادان العاشقى سەگىز كوماندا پلەي-وفف باسەكەسىنە جولداما الاتىندىقتان, يۋري ميحايليس شاكىرتتەرى ءۇشىن بۇل كەزدەسۋ دە ماڭىزدى بولماق.

«اك بارس» – «بارىس» ماتچى نۇر-سۇلتان ۋاقىتىمەن ساعات 22.30-دا باستالىپ, «Qazsport» تەلەارناسىنان تىكەلەي ەفيردە كورسەتىلەدى.