قاج كوميتەتىنىڭ توراعاسى جانات ەشماعامبەتوۆتىڭ مالىمەتىنشە, الدىن الا ەسەپتەۋلەر بويىنشا راقىمشىلىق جاساۋعا 2 236 سوتتالعان جانە پروباتسيا قىزمەتىنىڭ ەسەبىندە تۇرعان 11 مىڭنان استام ادام ىلىنەدى. ونىڭ ىشىندە 1 مىڭعا جۋىق ادام بوستاندىققا شىعادى, 4 مىڭعا جۋىق ادام پروباتسيا قىزمەتىنىڭ ەسەبىنەن تولىق شىعارىلادى, دەپ حابارلايدى Egemen.kz.
سونىمەن قاتار 1294 سوتتالعاننىڭ جانە پروباتسيا قىزمەتىنىڭ ەسەبىندە تۇرعانداردىڭ جازا مەرزىمنىڭ وتەلمەگەن بولىگى قىسقارادى.
سونداي-اق ىزگىلەندىرۋ اكتىسى ازاماتتار مەن مەملەكەتتىڭ قاۋىپسىزدىگىنە ەلەۋلى قاتەر توندىرمەيتىن قىلمىس جاساعان ادامدارعا قولدانىلاتىنىن, ازاماتتاردىڭ الەۋمەتتىك وسال ساناتتارى – كامەلەتكە تولماعاندارعا, ەگدە جاستاعى ايەلدەر مەن ەر ادامدارعا, مۇگەدەكتىگى بارلارعا (1 جانە 2-توپتار) ەرەكشە نازار اۋدارىلعانىن اتاپ ءوتتى.
زاڭعا سايكەس قىلمىستىق پروتسەستى جۇرگىزەتىن ورگاندار, سونداي-اق قىلمىستىق-اتقارۋ جۇيەسىنىڭ مەكەمەلەرى مەن ورگاندارى وسى زاڭ قولدانىسقا ەنگىزىلگەن كۇننەن باستاپ التى اي ىشىندە ونىڭ ورىندالۋىن قامتاماسىز ەتۋى ءتيىس.