شىمكەنت قالاسىنىڭ اكىمى مۇرات ايتەنوۆ «Ońtústik» تەلەارناسىنىڭ تىكەلەي ەفيرىندە 9 ايدا اتقارىلعان ىستەردى قورىتىندىلاپ, قالا تۇرعىندارىنىڭ وزەكتى ساۋالدارىنا جاۋاپ بەردى, دەپ جازادى Egemen.kz.
جىل سايىن شاھار باسشىسىنىڭ قاتىسۋمەن ۇيىمداستىرالاتىن «اكىم ساعاتى» باعدارلاماسى ارقىلى تىكەلەي ساۋال جولداۋعا بولاتىنى تۋرالى كورەرمەندەرگە الدىن الا حابارلانعان بولاتىن. ارنايى Call ورتالىق قۇرىلىپ, ارنانىڭ رەسمي سايتى مەن الەۋمەتتىك جەلىلەردە پاراقشالار ارقىلى سۇراقتار قابىلداندى.
مۇرات ايتەنوۆ باعدارلاما بارىسىندا شىمكەنت قالاسىنداعى وندىرىستىك, ەكونوميكالىق وسىمگە توقتالدى.
«قالامىزدا ءونىمدى وڭدەپ شىعاراتىن 71 ءىرى جانە ورتاشا كاسىپورىن بار. اتالعان كاسىپورىندار قالانىڭ دامۋىنا ءوز ۇلەسىن قوسىپ وتىر. بيىلعى جىلدىڭ 9 ايىندا 71 وندىرىستىك ورنى 484 ملرد تەڭگەنى يگەردى», دەدى قالا اكىمى.
تۇرعىندار تاراپىنان جولدانعان سۇراقتاردىڭ باسىم بولىگى دەنساۋلىق, شالعاي ەلدى مەكەندەردەگى ينفراقۇرىلىم, ترانسپورت جانە قۇرىلىس سالاسىنا قاتىستى بولدى.
سونىمەن قاتار قالا اكىمى الەۋمەتتىك جەلى مەن Call ورتالىققا كەلىپ تۇسكەن سۇراقتارعا رەتىمەن جاۋاپ بەردى.