حالىقارالىق تۇركى اكادەمياسىنىڭ ۇيىتقى بولۋىمەن 24 جەلتوقسان كۇنى ەلوردادا تۇركى حالىقتارى ادەبيەتىنىڭ دارابوزدارى نيزامي گانجاۋيدىڭ 880, الىشەر ناۋايدىڭ 580 جىلدىعى, يۋنۋس ەمرەنىڭ دۇنيەدەن وتكەنىنە 700 جىل تولۋىنا وراي «شىعىستىڭ شوقجۇلدىزدارى» اتتى ءىس-شارا وتكىزىلەدى, دەپ حابارلايدى Egemen.kz.
اتالعان جيىنعا قازاقستان رەسپۋبليكاسى پارلامەنتى سەناتىنىڭ توراعاسى ماۋلەن اشىمباەۆ, مەملەكەت جانە قوعام قايراتكەرلەرى, ديپلوماتيالىق ميسسيا باسشىلارى, تانىمال عالىمدار مەن زيالى قاۋىم وكىلدەرى قاتىسادى.
تاعىلىمدى شارا اياسىندا اكادەميا تاراپىنان باسىپ شىعارىلعان نيزامي گانجاۋي, الىشەر ناۋاي, يۋنۋس ەمرە كىتاپتارىنىڭ تۇساۋكەسەرى جانە بىرقاتار ازاماتتاردى ماراپاتتاۋ ءراسىمى وتەدى دەپ جوسپارلانعان.