تۇركيادا قازاقستان ۇلتتىق قۇراماسى ليتۆا كومانداسىمەن جولداستىق كەزدەسۋ وتكىزدى. ماتچ 1:1 ەسەبىمەن اياقتالدى. بۇل تۋرالى قازاقستان فۋتبول فەدەراتسياسى حابارلادى.
كەزدەسۋدە الدىمەن ەسەپتى ليتۆالىقتار اشتى. ويىننىڭ ءتورتىنشى مينۋتىندا لۋكاس سپالۆيس گول سوقتى. وسىدان كەيىن ءبىرىنشى تايمدا قازاقستان كومانداسى ەسەپتى تەڭەستىرۋ ءۇشىن بىرنەشە شابۋىلدار جاساعانىمەن جاتتىقتىرۋشىلار قۇرامىن گولمەن قۋانتا المادى. گولدى ءبىزدىڭ جىگىتتەر تەك ويىننىڭ ەكىنشى جارتىسىندا سوقتى. 69 مينۋتتا نۇربول جۇماسقاليەۆ قاقپانى ءدال كوزدەدى.
وسىلايشا جاقىندا عانا ۇلتتىق قۇرامانىڭ باس جاتتىقتىرۋشىسى قىزمەتىنە تاعايىندالعان رەسەيلىك مامان يۋري كراسنوجاننىڭ بۇل العاشقى ماتچى بولدى.
داستان كەنجالين.
دەرەككوز: http://kazsporttv.kz