ءداستۇر بويىنشا ءراسىم قبتۋ عيماراتىنىڭ جانىنداعى «استانا» الاڭىندا ءوتتى, دەپ حابارلايدى Egemen.kz.
جاڭا جىلدىڭ باستى سيمۆولىنىڭ بيىكتىگى – 22 مەتر.
الماتىنىڭ باس شىرشاسىن جاعۋ راسىمىنە مەگاپوليس اكىمىنىڭ ورىنباسارى ەرجان باباقۇماروۆ قاتىستى.
«ەسترادا جۇلدىزدارى قاتىسقان بۇل شارا قالا بويىنشا جاڭا جىلدىق ءىس-شارالاردى باستاۋعا مۇمكىندىك بەردى. مەگاپوليستىڭ بارلىق سەگىز اۋدانىندا 100-دەن استام فوتوايماق ورناتىلعان, ونىڭ ىشىندە شىرشالار, شاعىن ساۋلەت نىساندارى جانە جاڭا جىلدىق بەزەندىرۋدىڭ باسقا دا ەلەمەنتتەرى بار», دەلىنگەن الماتى قالاسى اكىمدىگىنىڭ ءباسپاسوز قىزمەتىندە.
سونداي-اق, 21-30 جەلتوقسان ارالىعىندا قالا اكىمدىگىنىڭ قولداۋىمەن «جاڭا جىلدىق كەرۋەن» ۇيىمداستىرىلدى. قالا قوناقتارى مەن تۇرعىندارىن جۇك كولىكتەرىنىڭ كەرۋەنى كۇتەدى: دەكوراتسيالار, مىڭداعان جارىقتاندىرۋ, جارىق شوۋلارى, جارقىن فوتوايماقتار جانە ۇلكەن سىيلىقتار جارمەڭكەسى. 30 مىڭ مەتردەن استام جارىق گيرلياندالارى, شامدار مەن قىزىقتى ديزاين ەشكىمدى بەي-جاي قالدىرمايدى. جۇك كولىكتەرىنىڭ قوزعالىسى الەۋمەتتىك جەلىلەردە جاريالانادى.