«قىتاي اقش-پەن ىنتىماقتاستىقتى قۇپتايدى, بىراق قاقتىعىستان قورىقپايدى, ال ەگەر قاراما-قايشىلىق تۋىنداپ جاتسا, سوڭىنا دەيىن كۇرەسەدى», دەدى قحر سىرتقى ىستەر ءمينيسترى ۆان ي. سونداي-اق ول ەكى دەرجاۆا اراسىنداعى قارىم-قاتىناس جايلى ايتتى, دەپ حابارلايدى Egemen.kz.
«قىتايدىڭ ۇستانىمى ايقىن. ىنتىماقتاستىق جولىنداعى بارلىق دۇرىس قادام قۇپتالادى. ال باسقاشا بولسا ءبىز قارسىلاسۋدان قورىقپايمىز جانە جەڭىسكە جەتكەنشە كۇرەسەمىز», دەدى ۆان ي قازىرگى حالىقارالىق جاعداي مەن قىتاي ديپلوماتياسىنا ارنالعان كونفەرەنتسيادا.
ۆان ي ىنتىماقتاستىق ەكى جاققا دا پايدالى بولاتىنىن, ال قاقتىعىس بارىنە زيان تيگىزەتىنىن اتاپ ءوتتى.
«اقش-تاعى كەيبىر ادامدار باسقا ەلدەردىڭ دامۋعا قۇقىعى بار ەكەنىن مويىنداعىسى كەلمەيدى. قىتايدىڭ ۇنەمى نىعايىپ, دامىپ كەلە جاتقانىن قابىلداي المايدى. قىتاي مەن اقش ءوزارا ءتيىمدى ىنتىماقتاستىق جولىنا ءتۇسۋى مۇمكىن ەكەندىگىمەن كەلىسكىسى كەلمەيدى جانە قىتايدى تەجەۋگە تىرىسادى. ولاي بولمايدى», دەپ قورىتتى ول ءوز ويىن.