مەملەكەت باسشىسىنىڭ جارلىعىمەن الەكسەي̆ ۆلاديميروۆيچ تسوي̆ دەنساۋلىق ساقتاۋ ءمينيسترى لاۋازىمىنان بوساتىلدى, دەپ جازادى Egemen.kz.
جارلىق اقوردا ساي̆تىندا جاريالاندى.⠀الەكسەي̆ تسوي̆ بۇل قىزمەتكە بىلتىر, 2020 جىلدىڭ ماۋسىمىندا تاعاي̆ىندالعان بولاتىن.
دەنساۋلىق ساقتاۋ مينيسترلىگىنىڭ قوعاممەن بايلانىس دەپارتامەنتىنىڭ ديرەكتورى اسەل سەيتجانقىزى ءمينيستردىڭ كەتۋ سەبەبىن ايتتى.
ء«وز ءوتىنىشى بويىنشا باسقا قىزمەتكە وتۋىنە بايلانىستى بوساتىلدى», دەدى ول.
سونداي-اق, الەكسەي تسوي قىزمەتتەن كەتۋىنە بايلانىستى مالىمدەمە جاسادى:
«قۇرمەتتى دوستار, ارىپتەستەر! بۇگىن مەنىڭ ازاماتتىق سەكتورعا كوشۋ جانە عىلىم مەن الەۋمەتتىك باستامالار ارقىلى دەنساۋلىق ساقتاۋدى دامىتۋ تۋرالى شەشىمىمدى قولدادى.
مەملەكەت باسشىسى COVID-19 بويىنشا جاعدايدى تۇراقتاندىرۋدى, دەنساۋلىق ساقتاۋ جۇيەسىنىڭ الەۋەتىن ارتتىرۋدى تاپسىردى. ءبىز ەپيدەميولوگيالىق قاۋىپ-قاتەرلەرگە دەن قويۋ ءۇشىن جاعداي جاسادىق: ءار وڭىردە جاڭا ينفەكتسيالىق اۋرۋحانالار سالىندى, جەدەل جاردەم ماشينالارىنىڭ پاركى, جاساندى تىنىس الۋ اپپاراتتارى, اۋىلداعى جىلجىمالى مەديتسينالىق كەشەندەر جاڭارتىلدى, وتاندىق فارماتسەۆتيكا ونەركاسىبى ونىمدىلىكتىڭ جوعارى ءوسۋىن كورسەتەدى, دارىلىك زاتتار مەن مەديتسينالىق ماقساتتاعى بۇيىمداردىڭ قاجەتتى قورى جاسالدى, سەس پەن زەرتحانالىق قىزمەتتىڭ الەۋەتى ارتتى, QazVac ۆاكتسيناسى شىعارىلدى جانە تاعى باسقالار», دەدى تسوي
پرەزيدەنت قاسىم-جومارت توقاەۆ قىزمەتىنەن كەتكەن تسويعا العىس ايتتى. بۇل تۋرالى مەملەكەت باسشىسىنىڭ ءباسپاسوز حاتشىسى بەرىك ءۋالي جازدى.
«پرەزيدەنت قاسىم-جومارت توقاەۆ بۇرىنعى دەنساۋلىق ساقتاۋ ءمينيسترى الەكسەي تسويعا بەلسەندى جۇمىس ىستەگەنى, اسىرەسە قازاقستاندا كوروناۆيرۋس ىندەتىنىڭ تارالۋىنا قارسى كۇرەستە اتقارعان ەڭبەگى ءۇشىن العىس ءبىلدىردى», دەپ جازدى بەرىك ءۋالي.