«ەل تىرەگى – ەلباسى» اكتسياسى اياسىندا قوستانايدا «حالىق» قورى ۇيىمداستىرعان قايىرىمدىلىق شارادا مۇمكىندىگى شەكتەۋلى بالالارى بار 200-دەن استام مۇقتاج وتباسى ازىق-ت ۇلىك سەبەتتەرىن الدى. ارقايسىنىڭ سالماعى 50 كيلو بولاتىن الەۋمەتتىك قوراپتىڭ ىشىندە كۇرىش, قاراقۇمىق, ۇن, ماكارون, سۇيىق ماي, بۇقتىرىلعان ەت, قانت, شاي جانە كامپيتتەر بار.
اۋقىمدى شاراعا «جاناشىر بول» قوعامدىق قورىنىڭ ۆولونتەرلەرى دە اتسالىستى. ەرىكتى جاستار ازىق-ت ۇلىك سەبەتتەرىن قالانىڭ ءار تۇكپىرىندە تۇرىپ جاتقان تۇرمىسى تومەن, سونداي-اق كوپ بالا تاربيەلەپ وتىرعان وتباسىلاردىڭ ۇيىنە جەتكىزىپ بەردى.
– ءۇش كۇن ىشىندە 251 وتباسىنا ازىق-ت ۇلىك سەبەتتەرىن تاراتتىق. مۇقتاج وتباسىلاردىڭ ۇيىنە جىلۋ سىيلايتىن مۇنداي يگى شارالار ءجيى ۇيىمداستىرىلىپ تۇرۋ كەرەك. اسىرەسە سابيلەردىڭ قۋانعانىن كورگەندە وسىناۋ شاراپاتتى ءىستىڭ ساۋابى مول ەكەنىنە كوزىمىز جەتە تۇسەدى, – دەيدى «جاناشىر بول» قق-نىڭ ۆولونتەرى سالتانات ىقىلاسوۆا.
ۇيىمداستىرۋشىلار ازىق-ت ۇلىك سەبەتتەرىنىڭ ءبارىن تاۋەلسىزدىك مەرەكەسىنە دەيىن ۇلەستىرىپ بەرمەك. مۇنداي ءىس-شارالار قوستاناي قالاسىن عانا ەمەس, وبلىس اۋداندارىنا قاراستى الىس-جاقىن اۋىلداردى دا قامتيتىن بولادى.
قوستاناي وبلىسى