بيىل اگروونەركاسىپتىك كەشەن ونىمدەرى ەكسپورتىنىڭ كولەمى ارتتى

مينيستر مالىمەتىنشە 2021 جىلدىڭ 9 ايىندا اگروونەركاسىپتىك كەشەن ونىمدەرى ەكسپورتىنىڭ كولەمى 2,6 ملرد اقش دوللاردى قۇراعان.

«ەكسپورتتالاتىن ءونىم كولەمىن ۇلعايتۋ ماقساتىندا مينيسترلىك وڭدەلگەن ءونىم ەكسپورتىنا باسىمدىق بەرە وتىرىپ, اۋىل شارۋاشىلىعى ءونىمىنىڭ ەكسپورتتىق الەۋەتىن دامىتۋ بويىنشا جوسپارلى جۇمىس جۇرگىزۋدە. 2021 جىلدىڭ 9 ايىندا اگروونەركاسىپتىك كەشەن ونىمدەرى ەكسپورتىنىڭ كولەمى 2,6 ملرد اقش دوللارىن قۇراپ, 2020 جىلدىڭ وسىنداي كەزەڭىمەن سالىستىرعاندا 14,3%-عا ءوستى (2020 جىلدىڭ 9 ايىندا – 2,2 ملرد اقش دوللارى)»,  دەدى ە. قاراشوكەەۆ.

ونىڭ ايتۋىنشا, وڭدەلگەن اگروونەركاسىپتىك كەشەن ونىمدەرى ەكسپورتىنىڭ كولەمى 950,5 ملن اقش دوللارىن قۇرادى, بۇل 2020 جىلدىڭ وسىنداي كەزەڭىنەن سالىستىرعاندا (928,5 ملن. اقش دوللارى) 2,4%-عا جوعارى.

«اگروونەركاسىپتىك كەشەن ونىمدەرى ەكسپورتىنىڭ قۇرىلىمىندا وڭدەلگەن ءونىم ەكسپورتىنىڭ ۇلەسى 37%-دى قۇرادى», دەدى مينيستر.