جىل باسىنان بەرى قازاقستاندىقتارعا مۇگەدەكتىك پەن اسىراۋشىسىنان ايىرىلۋ بويىنشا 357 ملرد تەڭگەدەن استام جاردەماقى تولەندى, دەپ حابارلايدى Egemen.kz قر ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتىنە سىلتەمە جاساپ.
2021 جىلدىڭ قاڭتار-قاراشا ايلارىندا رەسپۋبليكالىق بيۋدجەتتەن مۇگەدەكتىك بويىنشا مەملەكەتتىك الەۋمەتتىك جاردەماقى تولەۋگە 283,5 ملرد تەڭگە, اسىراۋشىسىنان ايرىلۋ جاعدايىنا 74 ملرد تەڭگە جۇمسالدى.
2021 جىلدىڭ قاراشا ايىندا رەسپۋبليكالىق بيۋدجەتتەن مۇگەدەكتىك بويىنشا مەملەكەتتىك الەۋمەتتىك جاردەماقى تولەۋگە 25,6 ملرد تەڭگە, اسىراۋشىسىنان ايرىلۋ جاعدايىنا 7,6 ملرد تەڭگە باعىتتالدى.
2021 جىلعى 1 جەلتوقسانداعى جاعداي بويىنشا مۇگەدەكتىك بويىنشا مەملەكەتتىك الەۋمەتتىك جاردەماقى الۋشىلاردىڭ سانى 520,8 مىڭ ادامدى, اسىراۋشىسىنان ايرىلۋ جاعدايى بويىنشا 161,9 مىڭ ادامدى قۇرادى.
مۇگەدەكتىگى بويىنشا جانە اسىراۋشىسىنان ايرىلۋ جاعدايى بويىنشا مەملەكەتتىك الەۋمەتتىك جاردەماقىلاردىڭ مولشەرى مۇگەدەكتىك توبى مەن سەبەبىنە, قايتىس بولعان اسىراۋشىسىنىڭ اسىراۋىنداعى ادامداردىڭ سانىنا, سونداي-اق ءتيىستى قارجى جىلىنا ارنالعان «رەسپۋبليكالىق بيۋدجەت تۋرالى» زاڭدا بەلگىلەنەتىن ەڭ تومەن كۇنكورىس دەڭگەيىنىڭ شاماسىنا بايلانىستى بولادى.
2021 جىلعى 1 جەلتوقساندا مۇگەدەكتىگى بويىنشا مەملەكەتتىك الەۋمەتتىك جاردەماقىلاردىڭ ورتاشا مولشەرى 49 198 تەڭگەنى, اسىراۋشىسىنان ايرىلۋ جاعدايى بويىنشا مەملەكەتتىك الەۋمەتتىك جاردەماقىلاردىڭ ورتاشا مولشەرى 46 050 تەڭگەنى قۇرادى.