قازاقستان ارۋلارى اراسىنان شىققان كاسىپقوي بوكستاعى تۇڭعىش الەم چەمپيونى فيرۋزا شاريپوۆا جەڭىل سالماقتاعى الەمنىڭ ءابسوليۋتتى چەمپيونى كەتي تەيلورمەن وتكەن جەكپە-جەكتەگى تورەشىلەر شەشىمىمەن كەلىسپەيتىنىن مالىمدەدى, دەپ حابارلايدى Egemen.kz.
«دوستار, كەتي تەيلورعا قارسى وتكەن شايقاستاعى تورەشىلەردىڭ شەشىمىمەن كەلىسپەيتىنىمدى حابارلايمىن. سوندىقتان دا قارىمتا كەزدەسۋ وتكىزۋگە بار كۇشىمدى سالامىن. مەن ۇلىبريتانيا تورىندە تەڭ دارەجەدە جۇدىرىقتاستىم. قازاقستاننىڭ نامىسىن حالىقارالىق دەڭگەيدە ويداعىداي قورعاي ءبىلدىم. قولداۋ كورسەتكەن بارلىقتارىڭىزعا زور العىسىمدى بىلدىرەمىن», دەپ جازدى سپورتشى ءوزىنىڭ الەۋمەتتىك جەلىلەردەگى پاراقشالارىندا.