اقمولا وبلىسىندا ءورت كەزىندە ەر ادام كوز جۇمدى, دەپ حابارلايدى Egemen.kz.
بۇل تۋرالى وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى مالىمدەدى.
بۇگىن, 13 جەلتوقساندا, كوكشەتاۋ قالاسىنداعى «الماز» ساياجاي كووپەراتيۆىندەگى تۇرعىن ۇيدە ءورت شىقتى. ءورتتى ءسوندىرۋ بارىسىندا 1974 جىلى تۋعان ەر ادامنىڭ دەنەسى تابىلدى.
ۇيدە بولعان تاعى ءبىر ەر ادام شىعىپ ۇلگەرگەن, ونىڭ اياق-قولى مەن بەتى كۇيىپ, اۋرۋحاناعا جەتكىزىلگەن. دارىگەرلەردىڭ ايتۋىنشا, جاعدايى ورتاشا دارەجەدە تۇراقتى.
ءورت سوندىرۋشىلەر اس ءۇي بولمەسىنەن ءبىر گاز باللونىن الىپ شىقتى. شاتىرداعى ەكىنشى باللون ءورت كەزىندە جارىلعان. ءورتتىڭ شىعۋ سەبەبى انىقتالىپ جاتىر.
ء«ورت ءسوندىرۋ بولىمشەلەرى كەلگەن ساتتە ساياجاي تولىعىمەن ورتكە ورانعان, بۇل – شاقىرتۋدىڭ كەش تۇسكەندىگىن بىلدىرەدى. گاز-تۇتىننەن قورعاۋ قىزمەتى ءبىر گاز باللونىن الىپ شىققان. سونىمەن قاتار 1974 جىلى تۋعان ەر ادامنىڭ دەنەسى تابىلدى», دەدى كوكشەتاۋ قالاسى باسقارماسىنىڭ باستىعى اسەت جاقسىلىقوۆ.