ۇلىبريتانيانىڭ ليۆەرپۋل قالاسىندا وتكەن بوكس كەشىندە قازاقستاندىق كاسىپقوي بوكسشى فيرۋزا شاريپوۆانىڭ كەپىلدى تابىسى 100 مىڭ اقش دوللارىن قۇراعانىن بۇعان دەيىن جازعانبىز. ەندى ونىڭ تولىق تابىسى تۋرالى مالىمەت تارادى, دەپ حابارلايدى Egemen.kz.
جەڭىل سالماقتاعى الەمنىڭ ءابسوليۋتتى چەمپيونى كەتي تەيلوردان جەڭىلگەن فيرۋزا شاريپوۆا بارلىق ەسەپتەسۋلەردى قوسقاندا 660 مىڭ دوللار تابىس تاپقانى ءمالىم بولدى. بۇل جەكپە-جەكتىڭ ساتىلىمىنان جانە اقىلى ترانسلياتسيادان تۇسكەن قارجى ەسەبىنەن مۇمكىن بولىپ وتىر.
بۇعان دەيىنگى جەكپە-جەكتەرىندە ەڭ ۇلكەن سىياقىسى 50 مىڭ دوللارعا جەتكەن شاريپوۆا وسى جولى ءوز تابىسىن ون ءۇش ەسەگە ارتتىردى.