وبلىس اكىمى گۇلشارا ابدىقالىقوۆانىڭ قاتىسۋىمەن ەل تاۋەلسىزدىگىنىڭ 30 جىلدىق مەرەيتويىنا ارنالعان سالتاناتتى شارا ءوتتى, دەپ حابارلايدى Egemen.kz.
جيىندا مەملەكەتتىك جانە قوعامدىق قىزمەتتە سىڭىرگەن ەڭبەگى, ەلدىڭ الەۋمەتتىك-ەكونوميكالىق جانە مادەني دامۋىنا قوسقان ۇلەسى ءۇشىن سىربويىلىق ەڭبەك ارداگەرلەرى مەن بىرقاتار ازاماتتار ماراپاتتالدى.
ءوڭىر باسشىسى تاۋەلسىزدىك جىلدارىندا جەتكەن جەتىستىكتەرگە توقتالىپ, ءتۇرلى سالاداعى ازاماتتاردىڭ ايماق دامۋىنا قوسقان سۇبەلى ۇلەسىن تىلگە تيەك ەتتى.
مەرەكەلى كەزدەسۋدە ايماق باسشىسى ەڭبەگى ەلەنىپ, ماراپات تورىنەن كورىنگەن ازاماتارعا مەملەكەتتىك ناگرادالاردى تابىس ەتتى.
اتاپ ايتساق, سىداريا اۋداندىق سايلاۋ كوميسسياسىنىڭ ءتورايىمى بالشەكەر وتەگەنوۆاعا «قۇرمەت» وردەنى, وبلىستىق سايلاۋ كوميسسياسىنىڭ توراعاسى عالىم بايمىرزاەۆقا «ەرەن ەڭبەگى ءۇشىن» مەدالى بەرىلدى. ال, «قر قۇرمەت گراموتاسىن» قازالى اۋداندىق سايلاۋ كوميسياسىنىڭ حاتشىسى مۇراتباي ابۋباكىر الدى.
مۇنان بولەك, ەلدىڭ الەۋمەتتىك-ەكونوميكالىق دامۋىنا سىڭىرگەن ەڭبەگى ءۇشىن 26 ازاماتقا پرەزيدەنت جارلىعىمەن بەكىتىلگەن قر تاۋەلسىزدىگىنىڭ 30 جىلدىعى مەرەكەلىك مەدالى تابىستالدى.