پرەزيدەنتتىڭ 2020 جىلعى 1 قىركۇيەكتەگى قازاقستان حالقىنا جولداۋى اياسىندا ەلوردادا «Elorda Korshiler» ءىشىنارا كۇردەلى جوندەۋ جۇرگىزۋدى تالاپ ەتەتىن ۇيلەر ءتىزىلىمىن قۇرۋ جونىندەگى قالالىق باعدارلاما ىسكە قوسىلدى, دەپ حابارلايدى Egemen.kz.
م ۇلىك يەلەرىنىڭ وتىنىشتەرى مەن شاعىمدارىن تالداۋ قازىرگى ۋاقىتتا ەلوردادا الەۋمەتتىك وسال ساناتتاعى ازاماتتار تۇراتىن 1000-نان استام تۇرعىن ءۇي بار ەكەنىن انىقتادى. كوبىنەسە مۇنداي عيماراتتاردىڭ ءتۇرى كەڭەستىك مۇراعا جاتادى. ۇيلەردە شاتىردى, قاسبەتتى, ينجەنەرلىك جۇيەلەردى جوندەۋگە, اۋماقتى اباتتاندىرۋعا ينۆەستيتسيالاردى قاجەت ەتەدى.
بولجامدى شىعىنداردى وبەكتيۆتى باعالاۋ ءۇشىن ءىشىنارا كۇردەلى جۇمىستاردى جۇرگىزۋدى قاجەت ەتەتىن ۇيلەردىڭ بىرىڭعاي ءتىزىلىمى قالىپتاستىرىلادى.
باعدارلاماعا قاتىسۋ ءۇشىن وتىنىمدەر 2021 جىلدىڭ سوڭىنا دەيىن قابىلدانادى. ۇيدە كەڭەس مۇشەلەرىنىڭ اتىنان باسقارۋ ورگانىنىڭ بولۋى مىندەتتى.
باعدارلاما بەس كەزەڭنەن تۇرادى:
1.وتىنىمدەردى جيناۋ جانە قابىلداۋ
2.بىرەگەي ءنومىر بەرە وتىرىپ, دەرەكقورعا ەنگىزۋ ارقىلى تىزىلىمگە ەنگىزۋ
3.بازاعا ەنگىزىلگەن وتىنىمدەر بويىنشا تالدامالىق ەسەپتى وڭدەۋ جانە جاساۋ
4.جۇمىس توبىن بەكىتۋ
5.2022-2023 جىلدار كەزەڭىندە تىزىلىمگە ەنگىزىلگەن ۇيلەر ءۇشىن جەرگىلىكتى اتقارۋشى ورگانعا قاراۋعا جانە شەشىم قابىلداۋعا ەنگىزۋ.
كونكۋرسقا قاتىسۋشىلارعا قويىلاتىن تالاپ:
- قر ازاماتتىعى
- ميب توراعاسى نەمەسە جس سەنىمدى تۇلعاسى (تىركەۋ تۋرالى انىقتاما, قاراپايىم سەنىمحات)
- ءۇي كەڭەسىنىڭ بەكىتىلگەن قۇرامىنىڭ بولۋى (كەمىندە ءۇش ادام)
- ەدب-دە ەكى شوتتىڭ بولۋى (اعىمداعى, جيناق)
- 20% اسپايتىن دەبيتورلىق بەرەشەك
- جس نىسانى كەزىندە باسقارۋشى سەرتيفيكاتىنىڭ بولۋى
- بەكىتىلگەن شىعىستار سمەتاسىنىڭ بولۋى
- سەرۆيستىك قىزمەت سۋبەكتىلەرىمەن قىزمەت كورسەتۋ شارتتارىنىڭ بولۋى
باعدارلاماعا ميب نەمەسە جس باسقارۋدىڭ بەكىتىلگەن نىساندارى بار ۇيلەر عانا قاتىسا الادى
وتىنىشتەر «تۇرعىن ءۇي قاتىناستارى تۋرالى» قر زاڭىنا سايكەس باسقارۋ نىساندارىنان https://4osi.kz/elorda-korshiler سىلتەمەسى بويىنشا قابىلدانادى.