«Forbes» جۋرنالىنىڭ بيىلعى قورىتىندىسى بويىنشا, پول اللەنمەن بىرگە «Microsoft» كورپوراتسياسىنىڭ نەگىزىن قالاعان بيلل گەيتس قايتادان الەمنىڭ ەڭ قالتالى ازاماتى اتانىپ وتىر. بۇل تۋرالى Utro.ru حابارلادى.
جوعارىدا اتالعان باسىلىمنىڭ دەرەگىنە جۇگىنسەك, قازىرگى كەزدە ب.گەيتستىڭ دۇنيە-مۇلكى 76 ملرد. دوللار قۇراعان. ال الەمدەگى ەڭ باي ادامدار ءتىزىمىن ءارى قاراي مەكسيكانىڭ مەديا-ماگناتى كارلوس سليم مەن «Inditex» كومپانياسىنىڭ يەسى امانسيو ورتەگي جالعاستىرادى. ەكىنشى ورىندى 72 ملرد. دوللارمەن ك. سليم يەلەنسە, دۇنيە-مۇلكى 64 ملرد. دوللارعا باعالانعان ا. ورتەگي بىلتىرعىداي ءۇشنشى ورىنعا تۇراقتادى. بەستىككە سونداي-اق «Berkshire Hathaway» مەن «Oracle» كومپانيالارىنىڭ باسشىلارى ۋوررەن باففەت پەن لارري ەليسون كىردى.
ب.گەيتس 1996, 2007 مەن 2009 جىلدارى «Forbes» جۋرنالىنىڭ رەيتينگى بويىنشا الەمنىڭ ەڭ قالتالى ازاماتى اتانعان بولاتىن. ونىڭ دۇنيە-مۇلكىنىڭ نەگىزگى بولىگى «Cascade Investments» حولدينگى يەلىگىندە. سونداي-اق, بىلىكتى كاسىپكەر ايەلىمەن بىرگە قايىرىمدىلىق قورىن قۇردى. وسى قورعا 2010 جىلى 28 ملرد. دوللار اۋدارىلعان ەكەن.
ايدار ورىسباەۆ.
دەرەككوز: Utro.ru.
فوتو: Fingazeta.ru.