وسكەمەن شاھارىندا پروباتسيالىق باقىلاۋدان باس تارتقان 50 ادام تەمىر تورعا توعىتىلدى, دەپ حابارلايدى Egemen.kz.
وبلىستىق قىلمىستىق-اتقارۋ جۇيەسى دەپارتامەنتى ءباسپاسوز قىزمەتىنىڭ مالىمەتىنە زەر سالساق, «قۇقىقتىق ءتارتىپ» جەدەل-الدىن الۋ شاراسى وتكىزىلىپ جاتىر.
سول ءىس-شارا شەڭبەرىندە وسكەمەن قالالىق پروباتسيا قىزمەتىنىڭ ماماندارى تۇرعىلىقتى مەكەنجايى بويىنشا ەسەپتە تۇرعان 140-تان استام ءىستى بولعان ادامداردى زەردەلەگەن. ناتيجەسىندە ينسپەكتورلار پروباتسيالىق باقىلاۋ ءتارتىبىن بۇزعاندارعا تۇسىندىرمە جۇمىستارىن جۇرگىزگەن. تالاپ قاتاڭ ەسكەرتىلگەن.
ەرەجەنى ساقتاماعان جاعدايدا جازا ءتۇرى باس بوستاندىعىنان ايىرۋعا اۋىستىرىلاتىندىعى ناقتى ايتىلعان.
«35 جاستاعى وسكەمەن تۇرعىنى سوت شەشىمىن ورىنداۋ تۋرالى تالاپتاردى بىرنەشە رەت ەلەمەگەن. پروباتسيا قىزمەتىنە كەزەكتى تىركەۋگە كەلمەگەن ونىڭ دوستارىمەن قوعامدىق ورىندا الكوگولدى ىشىمدىك ىشكەنى انىقتالدى. سوعان سايكەس, باس بوستاندىعىن شەكتەۋ جازاسىن باس بوستاندىعىنان ايىرۋعا اۋىستىرۋ ءۇشىن ءتيىستى ماتەريال سوتقا جىبەرىلدى», دەدى پروباتسيا قىزمەتى باسقارماسىنىڭ باسشىسى ماقسات ماناربەكوۆ. جالپى جىل باسىنان بەرى ەرەجەنى بۇزعان 50 ادام تۇرمەگە توعىتىلعان ەكەن.