ناتو-نىڭ جەتەكشى ەلدەرى ماسكەۋمەن كەز كەلگەن كەزدەسۋلەرىنىڭ فورماتىن بەكىتپەس بۇرىن اقش ەو جانە رەسەي فەدەراتسياسىمەن قوسىمشا كەڭەسۋى قاجەت, دەپ حابارلايدى Egemen.kz
بۇل تۋرالى Wall Street Journal گازەتى اقش پرەزيدەنتى اكىمشىلىگىنىڭ اتى اتالماعان وكىلىنە سىلتەمە جاساپ اقپارات تاراتتى.
«الداعى ەكى كۇندە ءبىز ەۋروپالىق سەرىكتەستەرىمىزبەن كەلىسسوزدەردى جالعاستىرامىز. ءبىز العا جىلجۋ جولىن تابۋ ءۇشىن رەسەيلىك سەرىكتەستەرىمىزبەن كەلىسسوزدەردى رەتتەيمىز», دەيدى باسىلىم شەنەۋنىكتىڭ ءسوزىن كەلتىرىپ.
ء«بىز ارينە, رەسەيلىك تاراپپەن وسى ماسەلەلەردىڭ تولىق ءتىزىمى تۋرالى سويلەسۋگە دايىنبىز», دەپ قوستى ول.
پۋتين مەن بايدەن سەيسەنبى كۇنى قورعالعان بەينەبايلانىس ارناسى بويىنشا جابىق رەجيمدە كەلىسسوزدەر جۇرگىزدى. ول ەكى ساعاتقا سوزىلدى. كەلىسسوز ناتيجەلەرى بويىنشا بايدەن اڭگىمە بارىسىندا ۋكراينانىڭ اينالاسىنداعى جاعدايعا الاڭداۋشىلىق ءبىلدىرىپ, ديپلوماتيالىق رەتتەۋگە شاقىرعانىن جانە شەشۋشى شارالارمەن, سونىڭ ىشىندە ەكونوميكالىق شارالارمەن قورقىتقانى تۋرالى حابارلادى. پۋتين امەريكالىق ارىپتەسىنە ۋكراينانىڭ مينسك كەلىسىمدەرىن ورىنداماعانى تۋرالى حابارلاپ, سونىمەن قاتار ناتو ۋكراينا اۋماعىن يگەرۋگە قاۋىپتى ارەكەتتەر جاساپ, رەسەي شەكارالارىندا اسكەري الەۋەتىن ارتتىرۋعا تالپىنىپ جاتقانىن اتاپ وتكەن.
كەلەسى كۇنى بايدەن اقش پەن ناتو-نىڭ جەتەكشى ەلدەرىنىڭ رەسەيمەن كەزدەسۋى دايىندالىپ جاتقانىن ايتتى.