سovid-19 ءتورتىنشى تولقىنى وڭتۇستىك ازيا ەلدەرىنە تارالۋدا. ۆەتنامدا وتكەن تاۋلىكتە 15 311 جاڭا جاعداي انىقتالدى, ونىڭ 11-ءى شەتەلدەن تاسىمالدانعان. بۇل تۋرالى ۆەتنامنىڭ دەنساۋلىق ساقتاۋ مينيسترلىگى حابارلادى, دەپ جازادى Egemen.kz.
ينفەكتسيانىڭ جەرگىلىكتى تارالۋ فاكتىلەرىنىڭ باسىم كوپشىلىگى ەلدىڭ وڭتۇستىگىندە ورىن الۋدا. حوشيميندە-1 453, تەينين پروۆينتسياسىندا-895, ەل استاناسى حانويدا - 822 جانە شوكچانگ پروۆينتسياسىندا-789 دەرەك. وسىلايشا, ينفەكتسيا جۇقتىرۋدىڭ جالپى سانى 1 367 433-كە, ال كوز جۇمۋ جاعدايلارى 27 186-عا جەتتى. ۆەتنامدا COVID-19 ۆيرۋسىنا قارسى ۆاكتسيناسىنىڭ 130 ميلليونعا جۋىق دوزاسى ەنگىزىلدى, شامامەن 56 ميلليون ازامات ۆاكتسيناتسيانىڭ تولىق كۋرسىنان ءوتتى.
سونداي-اق رەسەي فەدەراتسياسىنىڭ دەنساۋلىق ساقتاۋ مينيسترلىگىنىڭ باسشىسى ميحايل مۋراشكو رەسەيدە covid-19 ينفەكتسياسىن ەمدەۋ بويىنشا ۇسىنىستار مۋتاتسيالانعان «وميكرون» شتامىنا بايلانىستى وزگەرۋى مۇمكىن ەكەندىگىن مالىمدەدى.
ء«بىز جاڭا شتامنىڭ بارلىق ەرەكشەلىكتەرىن زەردەلەيمىز, بۇل رەتتە شەتەلدىك ارىپتەستەردىڭ زەرتتەۋلەرىن ەسكەرەمىز. وسىدان كەيىن عانا ءبىز ەمدەۋ تۋرالى ۇسىنىستارعا وزگەرىستەر ەنگىزۋدىڭ قاجەت نەمەسە قاجەت ەمەس ەكەنىن باعالايمىز», دەدى ميحايل مۋراشكو.