تۇركى مەملەكەتتەرى ۇيىمى (تمۇ) اقساقالدار كەڭەسىنىڭ تۇركيا ەلىنەن مۇشەسى بينالي يىلدىرىم حالىقارالىق تۇركى اكادەمياسىنا ارنايى كەلدى, دەپ حابارلايدى Egemen.kz حالىقارالىق تۇركى اكادەمياسىنىڭ ءباسپاسوز قىزمەتىنە سىلتەمە جاساپ.
ايتا كەتۋ كەرەك, تۇركيا رەسپۋبليكاسىنىڭ ەكس پرەمەر-ءمينيسترى, تۇركيا ۇلى ۇلتتىق ءماجىلىسىنىڭ ەكس توراعاسى بينالي يىلدىرىم قاراشا ايىندا ىستانبۇلدا وتكەن سامميتتە اقساقالدار كەڭەسىنىڭ مۇشەسى بولىپ تاعايىندالعان. سونىمەن قاتار, اقساقالدار كەڭەسىنىڭ قازاقستان تاراپىنان مۇشەسى بولىپ قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ ۇسىنىسىمەن بەلگىلى مەملەكەت جانە قوعام قايراتكەرى يكرام ادىربەكوۆ بەكىتىلدى.
كەلەلى كەزدەسۋگە تمۇ اقساقالدار كەڭەسىنىڭ تۇركيا تاراپىنان مۇشەسى بينالي يىلدىرىم, حالىقارالىق تۇركى اكادەمياسىنىڭ پرەزيدەنتى دارحان قىدىرالى, اقساقالدار كەڭەسىنىڭ قازاقستان تاراپىنان مۇشەسى يكرام ادىربەكوۆ, تانىمال عالىم, پروفەسسور ءادىل احمەتوۆ, تۇركى مەملەكەتتەرى ۇيىمى باس حاتشىسىنىڭ ورىنباسارى ومەر كوجامان, تۇركيانىڭ قازاقستانداعى توتەنشە جانە وكىلەتتى ەلشىسى ۋفۋك ەكيجي, تانىمال جۋرناليست, دوكتور, پروفەسسور كۇرشاد زورلۋ, قوجا احمەت ياساۋي ۋنيۆەرسيتەتى وكىلەتتى كەڭەسىنىڭ توراعاسى مۋحيتتين شيمشەك, قر سىرتقى ىستەر مينيسترلىگى, تاياۋ, ورتا شىعىس جانە افريكا دەپارتامەنتى, كوپجاقتى ىنتىماقتاستىق باسقارماسىنىڭ باسشىسى مەرەي مۇقاجان, باسقا دا دەلەگاتسيا مۇشەلەرى قاتىستى.
كەزدەسۋ سوڭىندا بينالي يىلدىرىمدى ۇيىم باسشىسى دارحان قىدىرالى حالىقارالىق تۇركى اكادەمياسىنىڭ التىن مەدالىمەن ماراپاتتاپ, ارنايى قۇرمەت كورسەتتى. 2002-2016 جىلدارى تۇركيانىڭ كولىك, تەڭىز جولدارى جانە بايلانىس ءمينيسترى قىزمەتىن اتقارعان بينالي يىلدىرىم باۋىرلاس ەلدەر اراسىنداعى قارىم-قاتىناستىڭ نىعايۋىنا ەلەۋلى ۇلەس قوستى.