قىزىلوردا وبلىسىندا ارال تەڭىزىنە بالىق اۋلاۋعا شىققان ەكى ادامنىڭ قايىعى اۋدارىلىپ, وزدەرى سۋعا كەتتى, دەپ حابارلايدى Egemen.kz «سىر بويى» باسىلىمىنا سىلتەمە جاساپ.
وقيعا ارال اۋدانىنا قاراستى اقەسپە ەلدى مەكەنى تۇسىنداعى ارال تەڭىزىندە بولعان.
«اتالعان اۋىلدا تۇراتىن 1969, 1971 جىلعى ازاماتتار بالىق اۋلاۋعا شىققان. بەلگىسىز سەبەپپەن قايىعى اۋدارىلىپ, ەكەۋى سۋعا كەتتى. ولاردىڭ جانسىز دەنەسىن بىرگە جۇرگەن وزگە ادامدار جاعاعا الىپ شىققان», دەپ ءمالىم ەتتى قىزىلوردا وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ باس مامانى ايگۇل نۇرمانوۆا.
ارال اۋدانى اكىمدىگىنىڭ حابارلاۋىنشا, ەكى ازامات بالىق اۋلاۋ ىسىمەن اينالىسقان. ولاردىڭ مايىتتەرى وتباسىلارىنا جەتكىزىلدى.