اسقار مامين قوستانايدا جاڭا ءوندىرىس ورنىن ىسكە قوستى

قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالعان سالتاناتتى شارادا سويلەگەن سوزىندە ا. مامين قوستاناي وبلىسى جوعارى اگرارلىق جانە ونەركاسىپتىك الەۋەتكە يە بولا وتىرىپ, بۇكىل ەلدىڭ الەۋمەتتىك-ەكونوميكالىق دامۋىنا ەلەۋلى ۇلەس قوسىپ جاتقانىن اتاپ ءوتتى.

1991 جىلدان باستاپ جالپى وڭىرلىك ءونىم كولەمى 10 ەسە ءوستى. ەلدى يندۋستريالاندىرۋ باعدارلاماسى وڭىردە بۇعان دەيىن شىعارىلماعان, قۇنى جوعارى ونداعان جاڭا ءونىم ءتۇرىن وندىرگە مۇمكىندىك بەردى. بۇل – جەڭىل جانە جۇك اۆتوموبيلدەرى, اۆتوبۋستار, مەتالل پروكاتى. اۆتوموبيل جاساۋ ءونىمىنىڭ 60%-دان استامى قوستاناي وبلىسىنا تيەسىلى. اۋىل شارۋاشىلىعى ماشينالارىن جاساۋ جوبالارى قارقىندى تۇردە دامىپ جاتىر. تراكتورلاردىڭ, كومباينداردىڭ جانە باسقا دا اۋىل شارۋاشىلىعى تەحنيكاسىنىڭ ءار ءتۇرىن شىعارۋ جولعا قويىلعان.

«سىزدەردىڭ وبلىستارىڭىز ەلدىڭ ازىق-ت ۇلىك قاۋىپسىزدىگىن قامتاماسىز ەتەتىن ماڭىزدى وڭىرلەردىڭ ءبىرى. 2020 جىلدىڭ قورىتىندىسى بويىنشا رەسپۋبليكانىڭ اۋىل شارۋاشىلىعىنىڭ جالپى ونىمىندە وبلىستىڭ ۇلەس سالماعى 9%-دان استى نەمەسە 574 ملرد تەڭگەنى قۇرادى. وبلىس ەلىمىزدە ۇن (737 مىڭ توننا) ءوندىرىسى بويىنشا ءبىرىنشى ورىندا, سارى ماي, ءسۇت جانە كىلەگەي (5,7 مىڭ توننا) ءوندىرىسى بويىنشا ەكىنشى, جارما (6 مىڭ توننا) ءوندىرىسى بويىنشا ءۇشىنشى ورىندا», دەدى ا. مامين.

وڭىردە كولىك ينفراقۇرىلىمى بەلسەندى تۇردە جاڭعىرتىلىپ, بالاباقشالار, مەكتەپتەر, مەديتسينالىق جانە سپورت وبەكتىلەرى سالىنۋدا. تاۋەلسىزدىك جىلدارىندا 6,2 ملن شارشى مەتردەن استام تۇرعىن ءۇي بوي كوتەردى.

وبلىستىڭ الەۋەتىن دامىتۋ شەڭبەرىندە 2025 جىلعا دەيىن ماشينا جاساۋ, ازىق-ت ۇلىك ونىمدەرىن ءوندىرۋ, اوك, ەنەرگەتيكا, تمك جانە ت. ب. پەرسپەكتيۆالى سالالاردا جالپى سوماسى 2 ترلن تەڭگەدەن اساتىن 100-دەن استام ماڭىزدى ينۆەستيتسيالىق جوبانى ىسكە اسىرۋ جوسپاردا بار.

مەملەكەت باسشىسى قاسىم-جومارت توقاەۆتىڭ جارلىعىنا سايكەس, قر پرەمەر-ءمينيسترى ا. مامين تاۋەلسىزدىك كۇنىنە وراي قوستاناي وبلىسىنىڭ اۋىل شارۋاشىلىعى جانە ونەركاسىپ كاسىپورىندارىنىڭ باسشىلارى مەن جۇمىسشىلارىنا, مەملەكەتتىك قىزمەتشىلەرگە, ءبىلىم جانە عىلىم, دەنساۋلىق ساقتاۋ سالالارىنىڭ قىزمەتكەرلەرىنە, باق وكىلدەرىنە جانە كاسىپكەرلەرگە مەملەكەتتىك ناگرادالاردى تابىستادى.

II دارەجەلى «دوستىق» وردەنىمەن اكادەميك زۇلقارناي الدامجار اتىنداعى قوستاناي الەۋمەتتىك-تەحنيكالىق ۋنيۆەرسيتەتىنىڭ ەكونوميكا جانە قۇقىق عىلىمي-زەرتتەۋ ورتالىعىنىڭ ديرەكتورى سەرگەي جالىبين ماراپاتتالدى.

«پاراسات» وردەنى «ەرشوۆسكوە-2» جشس ديرەكتورى ءسابيت اعايداروۆقا, «توبىل» الەۋمەتتىك-كاسىپكەرلىك كورپوراتسياسى» اق باسشىسىنىڭ كەڭەسشىسى ۆياچەسلاۆ دۋدنيككە, «اليۋمينستروي» جشس ديرەكتورى اباي مۇقانوۆقا تاپسىرىلدى.

«قۇرمەت» وردەنى ارقالىق قالاسىنىڭ اكىمى ءامىرحان اسانوۆ, «قوستاناي تاڭى» گازەتىنىڭ باس رەداكتورى جانۇزاق ايازبەكوۆكە, ا. بايتۇرسىنوۆ اتىنداعى قوستاناي وڭىرلىك ۋنيۆەرسيتەتى رەكتورىنىڭ كەڭەسشىسى  ريمما بەكتۇرعانوۆاعا, «بەركۋت» جشس ديرەكتورى سەرگەي بۋبليككە, «زاڭ عىلىمىنىڭ جانە پراكتيكاسىنىڭ يننوۆاتسيالىق دامۋ ورتالىعى» قق سەكتورىنىڭ مەڭگەرۋشىسى امان ميزانباەۆقا, «كوماروۆ تاۋ-كەن كاسىپورنى» باسقارماسىنىڭ توراعاسى يگور نيكوليشينگە, شارۋا قوجالىق باسشىسى بايمىرزا ساتاەۆقا, «التىنسارين» جشس باس ينجەنەرى ۆيتالي شۋشپاننيكوۆكە, قوستاناي وبلىستىق سايلاۋ كوميسسياسى توراعاسىنىڭ ورىنباسارى سەرالا احمەتوۆكە تابىستالدى.

III دارەجەلى «ەڭبەك داڭقى» وردەنىمەن امانگەلدى اۋداندىق اۋرۋحاناسىنىڭ جوعارى ساناتتى حيرۋرگ دارىگەرى جاناي ەرعابىلوۆ جانە «مەچتا-98» شق مەحانيزاتور-كومباينشىسى ۆالەري پاۆليۋكوۆەتس ماراپاتتالدى.

جۇمىس ساپارى بارىسىندا ۇكىمەت باسشىسى «Auto Recycling» جشس قولدانىستان شىققان اۋىل شارۋاشىلىعى تەحنيكاسىن قايتا وڭدەيتىن قازاقستانداعى العاشقى جانە ورتالىق ازيادا بالاماسى جوق كەشەننىڭ اشىلۋ راسىمىنە قاتىستى. كاسىپورىننىڭ قۋاتى جىلىنا 4 مىڭ بىرلىك اگروتەحنيكانى قۇرايدى. بۇل رەتتە الىنعان مەتالل جاڭا ءونىمدى شىعارۋعا پايدالانىلادى. جوبا اۋىل شارۋاشىلىعى تەحنيكاسى پاركىن جاڭارتۋعا مۇمكىندىك بەرەدى جانە وڭدەۋ سالاسىن دامىتۋعا ىقپال ەتەدى.

پرەمەر-مينيستر قۋاتى جىلىنا 46 مىڭ توننا قۇيما جانە جەتەكشى بەلدەمدەردىڭ 74 مىڭ بىرلىك باستى بەرىلىستەرىن قۇرايتىن «KamLitKZ» جشس جەتەكشى بەلدەمدەردىڭ باستى بەرىلىستەرىن شىعاراتىن زاۋىت پەن شويىن قۇيۋ زاۋىتىنىڭ قۇرىلىسى بارىسىمەن تانىستى.

سونداي-اق ا. مامين وبلىستىق ماڭىزى بار «قوستاناي قالاسىنا كىرمە جول» اۆتوموبيل جولى بويىنشا توبىل وزەنى ارقىلى وتەتىن كوپىردىڭ اشىلۋ راسىمىنە قاتىستى. قۇرىلىس جۇمىستارىنان كەيىن كوپىردىڭ ۇزىندىعى 72 مەتردەن 261 مەترگە دەيىن, ەنى 9 مەتردەن 24,5 مەترگە دەيىن ۇلعايتىلدى, بۇل وتكىزۋ قابىلەتىن تاۋلىگىنە 11,7 مىڭنان 24,6 مىڭ اۆتوموبيلگە دەيىن ارتتىرۋعا مۇمكىندىك بەرەدى.