نۇر-سۇلتان قالاسىندا قازاقستان رەسپۋبليكاسى مەن امەريكا قۇراما شتاتتارى قورعانىس ۆەدومستۆولارى جۇمىس توپتارىنىڭ ۇيلەستىرۋشى-وفيتسەرلەرىمەن وتىرىس ءوتتى, دەپ جازادى Egemen.kz.
قورعانىس ۆەدومستۆولارىنىڭ وكىلدەرى 2022 جىلعا ارنالعان ەكىجاقتى اسكەري ىنتىماقتاستىق جوسپارىنىڭ جوباسىن تالقىلادى.
ەكى ەلدىڭ ءوزارا ءىس-قيمىلى ماسەلەلەرىندەگى نەگىزگى باسىمدىق اسكەري ءبىلىم بەرۋ, بىتىمگەرشىلىك, ماتەريالدىق-تەحنيكالىق قامتاماسىز ەتۋ, كاسىبي اسكەري-مەديتسينانى جانە ينجەنەر كادرلاردى دايارلاۋ ماسەلەلەرىن شەشۋگە باعىتتالدى. قورعانىستاعى ءوزارا ءىس-قيمىلدىڭ وسى جانە وزگە دە اسپەكتىلەرى قازىرگى ۋاقىتتا قول قويۋعا ازىرلەنىپ جاتقان 2023-2027 جىلدارعا ارنالعان ىنتىماقتاستىقتىڭ كەزەكتى بەسجىلدىق جوسپارىندا كورسەتىلگەن.
تاراپتار جىل سايىن جۇمىس بابىمەن وتەتىن كەزدەسۋلەر بارىسىندا ەكىجاقتى اسكەري ىنتىماقتاستىقتى دامىتۋ ءۇشىن ساراپشىلار ناقتى باعدارلاردى جان-جاقتى تالقىلاپ, ايقىنداي الاتىنىن اتاپ ءوتتى.