65 جاستاعى استانالىقتى قار تازالاپ جاتقان شاعىن كولىك باسىپ كەتتى, دەپ حابارلايدى Egemen.kz نۇر-سۇلتان قالالىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
«7 جەلتوقسان ساعات 15:45 شاماسىندا شاعىن قار تازالايتىن كولىك جۇرگىزۋشىسى تىلەنديەۆ داڭعىلىنىڭ بويىندا قار تازالاۋ بارىسىندا ارتقا شەگىنگەندە جاياۋ جۇرگىنشىلەر جولىندا كەلە جاتقان 65 جاستاعى ايەلدى باسىپ كەتتى. جول-كولىك وقيعاسى سالدارىنان ايەل وقيعا ورنىندا قازا تاپتى. اتالعان فاكتى بويىنشا قىلمىستىق ءىس قوزعالدى. تەرگەۋ ءجۇرىپ جاتىر», دەلىنگەن قالالىق پوليتسيا دەپارتامەنتى تاراتقان حابارلامادا.