ۆاليۋتاعا سۇرانىس ارتقاندا, ينتەرۆەنتسيا جۇرگىزىلەدى

ۇلتتىق بانك توراعاسىنىڭ ورىن­باسارى ءا.مولدابەكوۆانىڭ ايتۋىنشا, 2 جەلتوقساندا بير­جا­داعى تەڭگە-دوللار جۇبىمەن ساۋدا-ساتتىق كولەمىنىڭ 292 ملن دوللارعا جەتۋى 2020 جىلعى ساۋىردەن باس­تاپ رەكوردتىق دەڭگەيگە جاتادى. ساۋدا-ساتتىق كولەمىنىڭ ءوسۋى جانە ءبىر دوللار ءۇشىن 436 تەڭگە بەلگىسىنە دەيىن باعامنىڭ السىرەۋى شەتەل ۆاليۋتاسىنا سۇرا­نىستىڭ ارتۋى اياسىندا ورىن الدى. بۇل مىناداي فاكتورلارعا تىكەلەي بايلانىستى بولدى.

بىرىنشىدەن, «وميكرون» شتا­مىنىڭ تارا­لۋىنا قاتىستى الاڭ­داۋشىلىقتىڭ ارتۋىنا باي­لا­نىستى مۇناي باعاسىنىڭ كۇرت قۇل­­دىراۋى سەبەپ بولدى. ماسەلەن, 1 جەلتوقساندا Brent سۇرىپتى مۇ­نايدىڭ بەلگىلەنگەن باعاسى ءبىر باررەل ءۇشىن 70 دوللاردان تومەن ءتۇسىپ, بيىلعى تامىزدان باستاپ ەڭ تومەنگى دەڭگەي – 68,14-كە جەتتى.

ەكىنشىدەن, مۇناي باعاسى­نىڭ جەرگىلىكتى ەڭ تومەنگى دەڭگەيگە تو­مەندەۋى كومپانيالار مەن جە­كە تۇلعالار تاراپىنان شە­تەل ۆا­ليۋتاسىنا قوسىمشا ىش­كى سۇرا­نىستى تۋىنداتتى. 1 جەل­توق­سان قا­­زاقستاندا دەمالىس كۇنى بول­عان­­دىقتان, سۇرانىستىڭ ءبىر بو­لىگى ەدب ونلاين پلاتفورمالا­رى ارقىلى ىسكە اسىرىلدى. سوندىق­تان جۇيەلەرى ۆاليۋتانى ونلاين ايىرباستاۋعا مۇمكىندىك بەرەتىن بارلىق بانك 2 جەلتوقسان كۇ­نى تاڭەرتەڭ «قىسقا» پوزي­تسيادا ­بول­دى, ياعني ولار جۇمىس ۋاقى­تى­نان تىس ۋاقىتتا ءوز كليەنتتەرى­نە سا­تىلعان ۆاليۋتانى ساتىپ الۋ­عا ءماجبۇر بولدى.

ال سۇرانىستىڭ ءبىر بولىگى ساۋدا-ساتتىق اشىلعاننان كەيىن بىردەن بيرجا نارىعىنا ءتۇستى. سوندىقتان بانكتەر ءوز كليەنتتەرىنە «قىسقا» پوزيتسيانى جابۋ جانە جاڭادان كەلىپ تۇسكەن وتىنىمدەردى ورىنداۋ ءۇشىن ۆاليۋتا ساتىپ الدى.

ۇشىنشىدەن, شەتەل ۆاليۋتاسىنا ايتار­لىقتاي سۇرانىس بەيرەزيدەنت ينۆەستورلار تاراپىنان دا تۋىندادى. دامۋشى نارىقتاردان ۆاليۋتانىڭ جاھاندىق اكەتىلۋى اياسىندا بەيرەزيدەنتتەر تەڭگەدەن شەتەل ۆاليۋتاسىنا كەرى كونۆەرتتەدى. سۇرانىستىڭ ارتۋى بانكارالىق نارىقتاعى باعا بەلگىلەۋگە اسەر ەتتى, مۇندا ساتىپ الۋ باعامى ءبىر دوللار ءۇشىن 441 تەڭگەگە دەيىن جەتتى.

شەتەل ۆاليۋتاسىنا سۇرا­نىس­­تىڭ ونىڭ ۇسىنىسىنان ايتار­لىق­تاي اسىپ ءتۇسۋى اياسىندا ۆاليۋ­تا نارىعىنداعى جاعدايدى تۇراق­تاندىرۋ ماقساتىندا ۇلتتىق بانك 2 جەلتوقساندا 64,6 ملن دول­لار كولەمىندە ينتەرۆەنتسيا جۇر­گىزدى. بۇل الىپساتارلىق احۋال­دىڭ كۇشەيۋىنە جانە ايىرباستاۋ باعامىنىڭ تۇراقسىزداندىرا­تىن اۋىتقۋلارىنا جول بەرمەۋ­گە مۇمكىندىك بەردى. بانكتەردىڭ قىس­قا پوزيتسيالارىنا جانە بەيرەزي­دەنتتەردىڭ شىعۋىنا بايلانىس­تى قوسىمشا سۇرانىس تولىق كولەمدە قاناعات­تاندىرىلدى. نارىقتارداعى جاعداي قۇبىل­مالى بولىپ قالۋدا. فرج باس­شى­سى دج. پاۋەلدىڭ سان­دىق جە­ڭىلدەتۋ باعدارلاماسىن بارىن­شا قىس­قا مەر­زىمدە توقتاتۋ تۋرالى سوڭعى ما­لىم­­دەمەسى اياسىندا اقش دول­لا­رى­نىڭ جاھاندىق نىعايۋى جالعاسۋدا.

ىشكى نارىقتا ۆاليۋتاعا سۇرانىس ساقتالۋدا. جىلدىڭ سوڭىنا تامان كومپانيالار بيۋدجەت­تى يگەرۋدىڭ, تولەمدەردى جۇزەگە اسىرۋدىڭ بەل­سەندى كەزەڭىن ىسكە اسىرۋدا, بۇل شەتەل ۆاليۋ­تاسىنا سۇرانىستى قولدايدى. ءوندىرىس كولە­مىن بىر­تىندەپ ءوسىرۋ تۋرالى الدىڭعى ۋاعدا­­لاستىقتى كۇشىندە قالدىرۋ جو­نىندەگى وپەك+ شەشىمىنە قارا­ماستان, مۇناي باعاسىن بەلگىلەۋ باستاپقى overreaction (شامادان تىس ىقپال ەتۋ – رەد.) قالپىنا كەل­تىردى جانە ءبىر باررەل ءۇشىن 70 دوللار شاماسىندا جابىلدى.

– جاعدايدىڭ ودان ءارى دامۋى كوبىنەسە كورو­ناۆيرۋستىڭ جاڭا شتامىنىڭ تارالۋ قار­قىنىنا جانە ونىڭ ۆاكتسينالارعا توزىمدى­لىگىنە قاراي انىقتالادى. ۇلتتىق بانك جاع­داي­دى مۇقيات قاداعالاپ وتىرادى جانە نارىق­تى قولداۋ ءۇشىن قولدان كەلگەن شارالاردى قابىل­داۋعا دايىن, – دەيدى ۇلتتىق بانك توراعاسىنىڭ ورىنباسارى.