شارشى الاڭدا بەس جەكپە-جەك وتكىزىپ, بارلىعىندا جەڭىسكە جەتكەن قازاقستاندىق كاسىپقوي بوكسشى ەۆگەني پاۆلوۆتىڭ شارشى الاڭعا قاشان شىعاتىنى ءمالىم بولدى, دەپ حابارلايدى Egemen.kz.
سوڭعى دەرەكتەرگە زەر سالساق, پاۆلوۆ كاسىپقوي رينگتەگى التىنشى شايقاسىن 24 جەلتوقسان كۇنى وتكىزەدى. كەزەكتى رەيتينگىلىك كەزدەسۋ رەسەي فەدەراتسياسىنىڭ استاناسى ماسكەۋ قالاسىندا ۇيىمداستىرىلاتىن بوكس كەشىنىڭ اندەركاردىنا جوسپارلانعان. وتانداسىمىز سەگىز راۋندتىق فورماتتاعى جەكپە-جەكتە ۆەنەسۋەلالىق ەديكسون پەرەسپەن قولعاپ تۇيىستىرەدى.
ەۆگەني پاۆلوۆ سوڭعى رەت قىركۇيەك ايىندا رينگكە كوتەرىلگەن بولاتىن. گانالىق ايزەك سەكيمەن قولعاپ تۇيىستىرگەن قازاقستاندىق بوكسشى قارسىلاسىن تەحنيكالىق نوكاۋتپەن جەڭگەن ەدى.