ءبىرىنشى جارتىلاي ورتا سالماق دارەجەسىندە سىنعا ءتۇسىپ جۇرگەن قازاقستاندىق كاسىپقوي بوكسشى باتىر جۇكەمباەۆتىڭ شارشى الاڭعا قاشان ورالاتىنى بەلگىلى بولدى, دەپ حابارلايدى Egemen.kz.
Boxrec.com سايتى تاراتقان مالىمەتكە زەر سالساق, قازاق بوكسشىسى 11 جەتوقسان كۇنى رينگكە شىعۋدى جوسپارلاپ وتىر. ول اقش تورىندە وتەتىن بوكس كەشىندە باق سىناپ كورمەك.
سوڭعى رەت وسى جىلدىڭ مامىر ايىندا شارشى الاڭعا كوتەرىلگەن باتىر جۇكەمباەۆ كاسىبي مانسابىندا العاش رەت جەڭىلىستىڭ كەرمەك ءدامىن تاتقان بولاتىن. پۋەرتو-ريكو ەلىنىڭ بوكسشىسى سابريەل ماتياسپەن قولعاپ تۇيىستىرگەن وتانداسىمىز قارسىلاسىنا مەرزىمىنەن بۇرىن ەسە جىبەرگەنى ەستە. ەندى ول سول كەزدەسۋدە كەتكەن قاتەلىكتەردەن ساباق شىعارىپ, كاسىبي مانسابىنداعى جاڭا قادامىن باستاپ كورمەك.